జహీరాబాద్, వెలుగు: భూ వివాదాల్లో ప్రజలను బెదిరింపులకు గురిచేసేవారిపై కఠిన చర్యలు తీసుకుంటామని జహీరాబాద్ సీఐ రవిహెచ్చరించారు.ఆదివారం ఆయన ఆఫీసులో సర్కిల్ పరిధిలోని ఎస్ఐలతో సమావేశం నిర్వహించారు. ఈ సందర్భంగా సీఐ మాట్లాడుతూ.. కోహిర్, మొగుడం పల్లి మండల్లాలో కొంతమంది గ్యాంగులుగా ఏర్పడి సెటిల్మెంట్లకు పాల్పడుతున్నట్లు ఫిర్యాదులు వస్తున్నాయన్నారు. ఇలాంటి వారిపై పీడీయాక్ట్ కేసు నమోదు చేస్తామని హెచ్చరించారు. భూ తాగాదా కేసులన్నీ సివిల్ కోర్టులో పరిష్కరించుకోవాలని సూచించారు. సమావేశంలో ఎస్ఐలు లక్ష్మారెడ్డి, ప్రసాద్, కృష్ణ, నరేశ్ పాల్గొన్నారు.
