- అసెంబ్లీలో బీఆర్ఎస్ ఎమ్మెల్యే కోవా లక్ష్మి నిలదీత
హైదరాబాద్, వెలుగు: కల్యాణలక్ష్మితో పాటు తులం బంగారం ఎప్పుడిస్తారో చెప్పాలని ప్రభుత్వాన్ని బీఆర్ఎస్ఎమ్మెల్యే కోవా లక్ష్మి ప్రశ్నించారు. మంగళవారం అసెంబ్లీలో బడ్జెట్ పద్దులపై చర్చ సందర్భంగా ఆమె మాట్లాడారు." మహాలక్ష్మి పథకంలో భాగంగా మహిళలకు రూ.2,500 ఇస్తామని చెప్పారు. కానీ ఇంకా అమలు చేయడం లేదు. రూ.500కే గ్యాస్ సిలిండర్ఇస్తామన్న హామీనీ నెరవేర్చలేదు.
కల్యాణలక్ష్మితో పాటు తులం బంగారం ఎప్పుడిస్తారో తెలీదు. కేసీఆర్ సర్కార్ ప్రవేశపెట్టిన న్యూట్రిషన్కిట్, కేసీఆర్ కిట్ లను కనీసం పేరు మార్చి అయినా అమలు చేయండి. దండారీలు, సమ్మక్క సారక్క, జోడేఘాట్దర్బార్కు నిధులివ్వాలి. దండారీలకు గత ప్రభుత్వం రూ.10 వేలు ఇచ్చింది. దానికి మరో రూ.10 వేలు కలిపి కాంగ్రెస్ సర్కారు రూ.20 వేలు ఇవ్వాలని విజ్ఞప్తి చేస్తున్న. కుమ్రంభీం ఆసిఫాబాద్జిల్లాలోని సాగునీటి ప్రాజెక్టులను పూర్తి చేయాలి" అని కోవా లక్ష్మి కోరారు.
