- నిర్మల్ జిల్లా భైంసాలో ఘటన
భైంసా, వెలుగు: నిర్మల్ జిల్లా భైంసా ఆర్టీసీ బస్టాండ్లో గురువారం స్లాబ్పెచ్చులు ఊడి మీద పడడంతో ముగ్గురు ప్రయాణికులు గాయపడ్డారు. 10వ నంబర్ ప్లాట్ఫాం వద్ద నిజామాబాద్ జిల్లా నందిపేట్కు చెందిన శ్రీలత, ఆమె కూతురు సహస్రతో పాటు కుభీర్ మండలం బెల్గాం గ్రామానికి చెందిన సంగీత బస్సుల కోసం వెయిట్ చేస్తున్నారు. అప్పుడే పైనుంచి పెచ్చులు ఊడి మీద పడడంతో శ్రీలత తీవ్రంగా గాయపడింది.
సహస్ర, సంగీత స్వల్పంగా గాయపడ్డారు. వీరిని ఏరియా హాస్పిటల్కు తరలించారు. డీఎం హరిప్రసాద్, అసిస్టెంట్ మేనేజర్ శ్రీలత ఘటన స్థలాన్ని పరిశీలించడంతో పాటు బాధితులను పరామర్శించారు. కాగా, 20 ఏండ్ల క్రితం కట్టిన ఈ బస్టాండ్ కొన్నాళ్ల కింద శిథిలావస్థకు చేరి అప్పుడప్పుడూ పెచ్చులు ఊడిపడుతున్నాయి. 2022 జూన్9న కూడా ఇదే తరహాలో పెచ్చులూడి మీద పడడంతో ఇద్దరు స్వల్పంగా గాయపడ్డారు. దీంతో అప్పటి అధికారులు నామమాత్రంగా రిపేర్లు చేసి రంగులు వేసి వదిలేశారు. ఇప్పడు దాని సమీపంలోనే పెచ్చులు ఊడిపడ్డాయి.
