మంచిర్యాల జిల్లాలో ఆర్ఎంపీ క్లినిక్లపై టీజీఎంసీ, ఐఎంఏ దాడులు

హైడోస్ యాంటీబయోటిక్స్, ఫ్లూయిడ్స్, ఇంజక్షన్లు లభ్యం
హాస్పిటల్స్ను తలపించేలా క్లినిక్లు, మెడికల్షాపులు ఏర్పాటు
అర్హత లేకున్నా ట్రీట్మెంట్ చేస్తూ రోగుల ప్రాణాలతో చెలగాటం

చెన్నూర్/జైపూర్ : మంచిర్యాల జిల్లా చెన్నూర్, భీమారం మండల కేంద్రాల్లోని ఆర్ఎంపీ, పీఎంపీ క్లినిక్లపై తెలంగాణ మెడికల్ కౌన్సిల్(టీజీఎంసీ), ఇండియన్ మెడికల్అసోసియేషన్(ఐఎంఏ) ప్రతినిధులు బుధవారం రాత్రి ఆకస్మిక దాడులు చేశారు. క్లినిక్లకు వచ్చే పేషెంట్లకు హైడోస్ యాంటీబయోటిక్స్, ప్లూయిడ్స్, ఇంజక్షన్లు వాడడంతో పాటు రూల్స్కు విరుద్ధంగా హాస్పిటల్స్ను తలపించేలా బెడ్స్ వేసి ట్రీట్మెంట్ చేస్తున్నట్లు గుర్తించారు. చెన్నూర్ బస్టాండ్ఎదురుగా శ్రీకిరణ్ హాస్పిటల్నడుపుతున్న బండారి లక్ష్మణ్, భీమారానికి చెందిన రంజిత్కుమార్పై ఫిర్యాదులు

రావడంతో వారి క్లినిక్లపై ఆకస్మిక దాడులు నిర్వహించినట్టు టీజీఎంసీ మెంబర్ డాక్టర్ యెగ్గెన శ్రీనివాస్ తెలిపారు. ఆర్ఎంపీలు ఫస్ట్ఎయిడ్ మాత్రమే చేయాల్సి ఉండగా, వీరిద్దరూ అర్హత లేకున్నా బెడ్స్వేసి సెలైన్లు పెడుతూ ఇంజక్షన్లు ఇస్తున్నారని చెప్పారు. హైడోస్ యాంటీబయోటిక్స్‌, నొప్పుల మందులు, ఫ్లూయిడ్స్, ఇతర హై షెడ్యూల్ డ్రగ్స్ఇస్తూ ప్రజల ప్రాణాలతో చెలగాటమాడుతున్నారని పేర్కొన్నారు. డాక్టర్లుగా పేర్కొంటూ బోర్డు పెట్టుకోవడమే కాకుండా క్లినిక్లకు అనుబంధంగా మెడికల్‌ షాపులు, డయాగ్నొస్టిక్‌ సెంటర్లు కూడా నిర్వహిస్తున్నారని వెల్లడించారు.

రంజిత్కుమార్ఫార్మా-డీ సర్టిఫికెట్తో మెడికల్ షాపు నడపడమే కాకుండా క్లినిక్ఏర్పాటు చేసి పేషెంట్లకు ట్రీట్మెంట్ అందిస్తున్నారని చెప్పారు. వీరిపై టీజీఎంసీతో పాటు ఐఎంఏకు రిపోర్టు పంపామన్నారు. దాడుల్లో టీజీఎంసీ మెంబర్స్ ముత్తినేని అనిల్, సంతోష్, ప్రసాద్, శ్రీధర్ పాల్గొన్నారు.

ఆర్ఎంపీల నిరసన

చెన్నూర్, భీమారంలోని ఆర్ఎంపీ క్లినిక్లపై టీజీఎంసీ, ఐఎంఏ సభ్యుల దాడులను నిరసిస్తూ చెన్నూర్, కోటపల్లి, వేమనపల్లి మండలాలకు చెందిన ఆర్ఎంపీలు గురువారం చెన్నూర్లో ర్యాలీ నిర్వహించారు. ఆర్ఎంపీలను అణిచివేసేందుకే తనిఖీల పేరిట ఇబ్బంది పెడుతున్నారని ఆరోపించారు. దాడులను ఆపాలని కోరుతూ బస్టాండ్నుంచి తహసీల్దార్ఆఫీస్ వరకు ర్యాలీ తీసి తహసీల్దార్కు మెమోరాండం అందజేశారు.