సిద్దిపేట రూరల్, వెలుగు: తమ గ్రామాలకు బస్సులు నడిపించాలని కోరుతూ రాజాపేట మండలం నర్సాపూర్, కొమురవెల్లి మండలంలోని రాం సాగర్ గ్రామ ప్రజలు మంగళవారం సిద్దిపేట జిల్లా బస్ డిపో మేనేజర్ సుఖేందర్ రెడ్డిని కలిసి వినతి పత్రం అందజేశారు. ఈ సందర్భంగా వారు మాట్లాడుతూ గతంలో సిద్దిపేట నుంచి కొమురవెల్లి, రాం సాగర్, రాజా పేట, జగదేవ్ పూర్ మీదుగా ఈసీఐఎల్ వరకు బస్ నడిపించారన్నారు.
ఈ మధ్యలో బస్ సేవలు నిలిచిపోయాయని, దీంతో ఆయా గ్రామాల ప్రజలు ఇబ్బందులు ఎదుర్కొంటున్నారని ఆవేదన వ్యక్తం చేశారు. తిరిగి బస్సేవలను పునరుద్ధరించాలని కోరారు. కార్యక్రమంలో గోపిరెడ్డి, ఉప్పలయ్య గౌడ్, మోహన్ రెడ్డి, అశోక్ రెడ్డి, భాస్కర్, రాజిరెడ్డి, శ్రీను, ప్రకాశ్, భాను, నర్సింహులు, మహేందర్, కొండల్ పాల్గొన్నారు.
