మంచిర్యాల నడిబొడ్డున వ్యభిచారం

• ఆర్గనైజర్​తో పాటు ఐదుగురు విటుల అరెస్ట్  
• సోషల్​ మీడియా ద్వారా మహిళలకు వల వేస్తున్న నిర్వాహకుడు​

మంచిర్యాల, వెలుగు : మంచిర్యాల జిల్లా కేంద్రం నడిబొడ్డున ఎల్ఐసీ ఆఫీసు ఎదురుగా ఉన్న ఓ ప్రైవేట్ గెస్ట్​హౌస్​లో రెండు నెలలుగా వ్యభిచారం నడుస్తోంది. పోలీసులు మంగళవారం రాత్రి దాడి చేసి ఆర్గనైజర్​తో పాటు ఐదుగురు విటులను అరెస్టు చేయడంతో ఈ విషయం వెలుగులోకి వచ్చింది. ఏసీపీ ప్రకాశ్, సీఐ బన్సీలాల్​కథనం ప్రకారం.. స్థానిక చున్నంబట్టివాడకు చెందిన కరుణాకర్​ ప్రైవేట్ ​గెస్ట్​హౌస్​ను లీజుకు తీసుకున్నాడు. బెల్లంపల్లికి చెందిన శాతాని శంకర్​ను మేనేజర్​గా నియమించాడు.

శంకర్​ సోషల్​ మీడియా ద్వారా అందమైన మహిళలకు వల వేసి షార్ట్ ఫిలిమ్స్​లో చాన్స్​ ఇస్తామని పిలిపించి వారితో వ్యభిచారం చేయిస్తున్నాడు. మంగళవారం కరీంనగర్​కు చెందిన ఓ మహిళను ఇలాగే పిలిపించాడు. ఆమె ఫొటోలను సోషల్​ మీడియాలో పలువురు విటులకు షేర్ ​చేసి గెస్ట్​హౌస్​కు రప్పించాడు. వారితో గడిపితే షార్ట్​ఫిలిమ్స్​లో చాన్స్​ఇస్తా రని చెప్పడంతో అందుకు ఒప్పుకుంది. శంకర్​ ఒక్కొక్కరి దగ్గర రూ.2వేలు వసూలు చేశాడు. సమాచారం అందుకున్న పోలీసులు మంగళవారం అర్ధరాత్రి గెస్ట్​ హౌస్​పై దాడిచేసి శంకర్​తో పాటు విటులు కొప్పర్తి నవీన్(బెల్లంపల్లి)

దేవ పోచమల్లు, గండి రమేశ్​(రామకృష్ణాపూర్), కొలిపాక రాజశేఖర్(మంచిర్యాల హమాలివాడ), గొల్లపల్లి శేఖర్(సీసీసీ నస్పూర్)ను అరెస్టు చేశారు. బాధితురాలిని సఖి సెంటర్​కు తరలించి ఆమె కుటుంబసభ్యులకు అప్పగించారు. ఈ వ్యవహారంలో పాత్ర వహించిన గెస్ట్​హౌజ్​ నిర్వాహకుడు కరుణాకర్​ను సైతం అదుపులోకి తీసుకుంటామని సీఐ తెలిపారు.