- లాంగ్వేజ్ పండిట్స్ సర్టిఫికేట్వెరిఫికేషన్పూర్తి
- ఈ నెల 22 లోగా ప్రాసెస్ కంప్లీట్కి చర్యలు
మెదక్, వెలుగు: జిల్లాలో ప్రభుత్వ పాఠశాలల్లో పనిచేసే టీచర్స్ ప్రమోషన్స్, ట్రాన్స్ఫర్స్ ప్రాసెస్ చకచకా కొనసాగుతోంది. ప్రమోషన్కు అర్హులైన లాంగ్వేజ్ పండిట్స్, పీఈటీ, సెకండ్ గ్రేడ్ టీచర్స్(ఎస్జీటీ) సీనియారిటీ జాబితాను తయారు చేశారు. లాంగ్వేజ్ పండిట్ల సర్టిఫికేషన్ వెరిఫికేషన్ ప్రాసెస్ పూర్తయింది. విద్యాశాఖ నిర్దేశిత షెడ్యూల్ ప్రకారం ఈనెల 22 లోగా ట్రాన్స్ఫర్స్, ప్రమోషన్స్ ప్రాసెస్ కంప్లీట్ చేసే దిశగా అధికారులు చర్యలు తీసుకుంటున్నారు.
జిల్లాలోని 21 మండలాల పరిధిలో 623 ప్రైమరీ, 128 అప్పర్ ప్రైమరీ, 146 జడ్పీ హైస్కూల్స్ ఉన్నాయి. గతేడాది సెప్టెంబర్ లో ట్రాన్స్ఫర్ అయి ఇప్పటి దాకా అదే స్కూళ్లలో కొనసాగిన 560 మంది స్కూల్అసిస్టెంట్లు ఇటీవల రిలీవ్అయి కొత్తగా పోస్టింగ్ లభించిన స్కూళ్లలో జాయిన్అయ్యారు.
ప్రమోషన్ కు అర్హులు 674 మంది
జిల్లాలో ఆయా స్కూళ్లలో పనిచేస్తున్న 674 మంది టీచర్స్ను ప్రమోషన్కు అర్హులుగా గుర్తించారు. వారిలో ఎల్ఎఫ్ఎల్హెచ్ఎంలు 124 మంది, పీఎస్హెచ్ఎంలు నలుగురు, లోకల్ బాడీ, గవర్నమెంట్ స్కూళ్లలో పనిచేసే తెలుగు మీడియం, ఉర్దూ మీడియం టీచర్స్ కలిపి బయోసైన్స్11 మంది, ఇంగ్లీష్ ఇద్దరు, హిందీ 129 మంది, మ్యాథ్స్143 మంది, ఫిజికల్ ఎడ్యుకేషన్ 94 మంది, సోషల్ఐదుగురు, తెలుగు 160 మంది, ఉర్దూ ఒకరు ఉన్నారు. కాగా సబ్జెక్ట్ ల వారీగా ప్రమోషన్ కు అర్హత సాధించే పోస్టులు 593 మాత్రమే ఉన్నాయి. అర్హులైన టీచర్లు ఎక్కువ మంది ఉండగా, పోస్టులు తక్కువగా ఉండడంతో అందరికి ప్రమోషన్స్లభించే అవకాశం లేదు. సీనియారిటీ ప్రాతిపదికన ప్రమోషన్స్లభించే ఛాన్స్ఉంది.
ఆన్లైన్లోనే..
టీచర్స్ ప్రమోషన్స్, ట్రాన్స ఫర్స్ ప్రాసెస్ అంతా ఆన్లైన్ సిస్టంలోనే జరుగుతోందని డీఈవో రాధాకిషన్ తెలిపారు. లాంగ్వేజ్ పండిట్స్, ఎస్జీటీ నుంచి స్కూల్ అసిస్టెంట్ ప్రమోషన్స్ ప్రక్రియ పూర్తయ్యాక టీచర్ పోస్టుల ఖాళీలపై క్లారిటీ వస్తుందన్నారు. ఖాళీల భర్తీపై ప్రభుత్వం నిర్ణయం తీసుకోవాల్సి ఉంటుందన్నారు. ఈ నెల 22 వరకు ఈ ప్రాసెస్ పూర్తవుతుందని, ప్రమోషన్ వచ్చిన, ట్రాన్స్ఫర్ అయిన టీచర్స్ వెంటనే తాము నియమాకం అయిన స్కూళ్లలోజాయిన్ కావాల్సి ఉంటుందని ఆయన స్పష్టం చేశారు.
