బెజ్జంకి, వెలుగు: సిద్దిపేట జిల్లా బెజ్జంకి మండల కేంద్రంలోని ప్రాథమిక వ్యవసాయ సహకార సంఘాన్ని బ్యాంకర్స్ ఇనిస్టిట్యూట్ఆఫ్ డెవలప్మెంట్ప్రతినిధి బృందం డైరెక్టర్ వైద్యనాథ్ సింగ్, దుర్గాప్రసాద్ ఆధ్వర్యంలో 9 ఈశాన్య రాష్ట్రాల ప్రతినిధుల బృందం మంగళవారం సందర్శించారు. 23 మంది ట్రైనింగ్ అధికారులు ఫంక్షన్ హాల్, సహకార సంఘం, భవనాన్ని పరిశీలించారు.
ఈ సందర్భంగా ప్యాక్స్ (ప్రైమరీ అగ్రికల్చర్క్రెడిట్సొసైటీస్) చైర్మన్ తన్నీరు శరత్ రావు సహకార సంఘం ద్వారా జరిగే లావాదేవీల గురించి వచ్చిన బృందానికి తెలియజేశారు. అనంతరం ప్రతినిధుల బృందం సభ్యులు మాట్లాడుతూ బెజ్జంకిప్రాథమిక సహకార సంఘం సంఘం చాలా అభివృద్ధి బాటలో నడుస్తుందని ప్యాక్స్ చైర్మన్ శరత్ రావు కృషి అభినందనీయమని కొనియాడారు. కేడీసీసీ వో సత్యనారాయణ రావు, ప్యాక్స్ డెవలప్మెంట్ఆఫీసర్ సత్యనారాయణ, వైస్ చైర్మన్ వేణు, డైరెక్టర్లు రాజేశం, సురేశ్ బాబు, సీత భూమయ్య, మేనేజర్ ప్రవీణ్ కుమార్, దుర్గాప్రసాద్, సీవో శ్రీనివాస్, సిబ్బంది భాను, అనిల్ యాదవ్ పాల్గొన్నారు.
