పటాన్ చెరు(గుమ్మడిదల) వెలుగు: అప్పుడే పుట్టిన పసికందును కవర్లో చుట్టి పడేసిన ఘటన సంగారెడ్డి జిల్లా గుమ్మడిదల పీఎస్పరిధిలో గురువారం జరిగింది. వివరాల్లోకి వెళితే గుమ్మడిదల మండల పరిధిలోని దోమడుగు నల్ల పోచమ్మ ఆలయానికి వెళ్లే దారిలో అప్పడే పుట్టిన మగశిశువును ఎవరో గుర్తు తెలియని వ్యక్తులు కవర్లో చుట్టి పడేశారు.
శిశువు పడిఉన్న విషయాన్ని జీపీ కారోబార్ గుర్తించి జీపీ కార్యదర్శికి సమాచారమందించాడు. కార్యదర్శి విష్ణువర్ధన్ వెంటనే పోలీసులకు ఫిర్యాదు చేశారు. ఘటన స్థలానికి పోలీసులు వెళ్లి చూడగా అప్పటికే శిశువు మృతి చెంది ఉన్నాడు. పోలీసులు కేసు నమోదు చేసి దర్యాప్తు ప్రారంభించారు.
