కోల్బెల్ట్, వెలుగు: చెన్నూర్ ఎమ్మెల్యే వివేక్ వెంకటస్వామిని మందమర్రి ఏరియా సింగరేణి కొత్త జీఎం జి.దేవేందర్ మంగళవారం రాత్రి మర్యాదపూర్వకంగా కలిశారు. మంచిర్యాల హైటెక్ సిటీ కాలనీలోని ఎమ్మెల్యే నివాసంలో జీఎం, ఎస్టేట్, సెక్యూరిటీ విభాగం అధికారులు ఎమ్మెల్యేను కలిసి బొకే అందజేశారు.
మందమర్రి ఏరియాలోని బొగ్గు గనులు, కార్మికుల సంక్షేమం, ప్రాజెక్టులకు సంబంధించిన భూసేకరణ తదితర అంశాలను ఎమ్మెల్యే దృష్టికి తీసుకొచ్చారు. ఎస్టేట్ అధికారి వెంకటరెడ్డి, సీనియర్ సెక్యూరిటీ ఆఫీసర్ రవి కుమార్ తదితరులు ఉన్నారు.
