నస్పూర్, వెలుగు : మంచిర్యాల జిల్లా ఫొటో అండ్ వీడియో గ్రాఫర్స్ వెల్ఫేర్ అసోసియేషన్ ఆధ్వర్యంలో నిర్వహించిన జిల్లా స్థాయి క్రికెట్ టోర్నమెంట్ సోమవారం ముగిసింది. ఈ పోటీల్లో మంచిర్యాల జిల్లా నుంచి మొత్తం 12 జట్లు పాల్గొనగా నస్పూర్, బెల్లంపల్లి జట్లు ఫైనల్కు చేరుకున్నాయి. సోమవారం శ్రీరాంపూర్లోని కృష్ణ కాలనీ శాంతి స్టేడియంలో ఈ రెండు జట్ల మధ్య ఫైనల్ పోరు జరగ్గా నస్పూర్ జట్టు విజేతగా నిలిచింది.
విన్నర్స్, రన్నర్స్ జట్లకు అసోసియేషన్ సభ్యులు బహుమతులు అందజేశారు. అసోసియేషన్ జిల్లా అధ్యక్షుడు నల్ల సతీశ్, జిల్లా ప్రధాన కార్యదర్శి గని రవీందర్, కోశాధికారి శ్రీపతి రవి, రాష్ట్ర ఉపాధ్యక్షుడు కనకయ్య గౌడ్, ఆర్గనైజర్లు తదితరులు పాల్గొన్నారు.
