- మెదక్లోని పలు షాప్ల్లో మున్సిపల్ అధికారుల తనిఖీలు
మెదక్ టౌన్, వెలుగు : మెదక్పట్టణంలోని పలు షాపుల్లో మంగళవారం మున్సిపల్అధికారులు తనిఖీలు చేశారు. శుభ్రత పాటించకుంటే కఠిన చర్యలు తీసుకుంటామని హెచ్చరించారు. ఈ సందర్భంగా అపరిశుభ్రంగా ఉన్న పలు షాపుల యజమానులకు అలాగే సింగిల్ యూజ్ ప్లాస్టిక్ వాడుతున్న వారికి జరిమానా విధించారు. ఈ సందర్భంగా మున్సిపల్ కమిషనర్ జానకి రామ్ సాగర్ మాట్లాడుతూ..
వర్షాకాలంలో రోగాలు సంభవించే అవకాశం ఉన్నందువలన తినుబంఢారాలు తయారు చేసే ప్రదేశాలు పొడిగా ఉండాలని సూచించారు. గడువు ముగిసిన ఆహార పదార్థాలు, కూల్ డ్రింక్లు తీసివేయాలని తాగునీరు పరిశుభ్రంగా ఉంచుకోవాలన్నారు. ఇకనుంచి ప్రతిరోజూ తనిఖీలు నిర్వహిస్తామని చెప్పారు. ఈ తనిఖీలలో శానిటరీ ఇన్స్పెక్టర్మహేశ్, జవాన్లు- శ్యాంసుందర్, శ్రీనివాస్, శేఖర్, శ్రీను, కిరణ్, కిషన్, కృష్ణ, వెంకన్న
పాల్గొన్నారు.
సిద్దిపేట రూరల్ : సిద్దిపేట పట్టణంలో ఫుడ్ ఇన్స్పెక్టర్ అనూష అధ్వర్యంలో పలు షాపుల్లో తనిఖీలు నిర్వహించారు. పట్టణంలోని విశాల్ మార్ట్ తో పాటు, పలు రెస్టారెంట్లలో ఎక్స్పైరీ అయిన ఆహారపదార్ధాలను గుర్తించారు. టోల్గేట్ రెస్టారెంట్ లో పాడైన కూరగాయలను గుర్తించారు. విశాల్ మార్ట్ లో ఎక్స్పైరీ అయిన జీడిపప్పు, ఆయిల్ ప్యాకెట్స్ ను గుర్తించి సీజ్ చేసినట్లు తెలిపారు.
