కౌడిపల్లి, వెలుగు: మండల పరిధి నాగ్సాన్ పల్లి రేణుక ఎల్లమ్మ దేవి ఆలయ 35వ వార్షికోత్సవ వేడుకల్లో భాగంగా మంగళవారం బోనాలు తీసి అమ్మవారికి మొక్కులు చెల్లించుకున్నారు. నర్సాపూర్ ఎమ్మెల్యే సునీతా రెడ్డి ఈ ఉత్సవాలకు హాజరై అమ్మవారికి ప్రత్యేక పూజలు చేశారు. కార్యక్రమంలో ఆలయ నిర్వాహకులు, గుడి నిర్మాణదాత నాగ్సాన్పల్లి మాజీ సర్పంచ్ అల్మాయిపేట ఎల్లం, ఎంపీటీసీల ఫోరం అధ్యక్షుడు ప్రవీణ్ కుమార్, నవీన్, మహిపాల్ రెడ్డి, లింగం, కాంతారావు, శ్యాంసుందర్, కిషోర్ గౌడ్ తదితరులు పాల్గొన్నారు.
