- పదేండ్ల సమస్య పరిష్కారమయ్యిందన్న కాలనీవాసులు
కోల్బెల్ట్, వెలుగు : మందమర్రి మున్సిపాలిటీ పరిధిలోని 23 వార్డు మారుతీనగర్లో తాగునీరు, కరెంట్ సౌలత్లు కల్పించేందుకు ఎమ్మెల్యే వివేక్ వెంకటస్వామి, ఎంపీ గడ్డం వంశీకృష్ణ చొరవచూపారని వారి ఫొటోలకు కాలనీవాసులు క్షీరాభిషేకం చేశారు. సోమవారం కాంగ్రెస్ సీనియర్ లీడర్, అఖిలభారత యాదవ సంఘం జిల్లా ప్రెసిడెంట్ బండి సదానందం యాదవ్ ఆధ్వర్యంలో కాలనీ వాసులు ఈ కార్యక్రమం చేపట్టారు. ఈ సందర్భంగా వారు మాట్లాడుతూ..
మారుతీనగర్లో పదేండ్లుగా తాగునీరు, కరెంట్ సౌకర్యాలు లేకపోవడంతో తీవ్ర ఇబ్బందులు పడ్డామని, గత బీఆర్ఎస్పాలకులకు ఎన్నిసార్లు చెప్పినా సమస్య పరిష్కరించలేదన్నారు. ఎన్నికల ప్రచారంలో కాలనీకి వచ్చిన వివేక్ వెంకటస్వామి దృష్టికి ఈ సమస్యలను తీసుకెళ్లారు.
ఈ నేపథ్యంలోనే ఎమ్మెల్యే వివేక్తోపాటు ఎంపీ వంశీకృష్ణ సంబంధిత అధికారులకు ఆదేశాలివ్వడంతో కాలనీలో తాగునీరు, కొత్త లైన్లు వేసి కరంటు సౌలత్లు కల్పించారని పేర్కొన్నారు. వారికి రుణపడి ఉంటామన్నారు. లీడర్లు పెద్ది రాజు, మల్లెత్తుల నరేశ్, పెద్దిరాజు, కాలనీవాసులు పాల్గొన్నారు.
