మంచిర్యాల, వెలుగు: రాష్ట్రంలోని రైతులందరికీ బేషరతుగా రూ.2లక్షల రుణమాఫీ చేయాలని ఆదిలాబాద్ ఎమ్మెల్యే పాయల్ శంకర్ ప్రభుత్వాన్ని డిమాండ్ చేశారు. బీజేపీ సభ్యత్వ నమోదుపై సోమవారం మంచిర్యాలలోని పార్టీ జిల్లా ఆఫీసులో నిర్వహించిన శిక్షణ కార్యక్రమానికి ఆయన చీఫ్ గెస్ట్గా హాజరయ్యారు. కాంగ్రెస్ పార్టీ ఎన్నికల సమయంలో ఇచ్చిన హామీలను అమలు చేయడంలో విఫలమైందని ఆరోపించారు. నాయకులు, కార్యకర్తలు ఇంటింటికీ వెళ్లి పార్టీ సభ్యత్వ నమోదును విజయవంతం చేయాలన్నారు. ముల్కల్ల మల్లారెడ్డి, కొయ్యాల ఏమాజీ, మున్నారాజ్సిసోడియా, ఎనగందుల కృష్ణమూర్తి, రజనీష్ జైన్, దుర్గం అశోక్, అమురాజుల శ్రీదేవి, మల్లేశ్ తదితరులు పాల్గొన్నారు.
ఎన్హెచ్63 బాధిత రైతుల వినతి
ఎన్హెచ్63 గ్రీన్ ఫీల్డ్ను రద్దు చేసి బ్రౌన్ ఫీల్డ్హైవే నిర్మించేలా కేంద్ర ప్రభుత్వం దృష్టికి తీసుకెళ్లాలని బాధిత రైతులు పాయల్ శంకర్ను కోరారు. గ్రీన్ ఫీల్డ్వల్ల దాదాపు 500 మంది రైతులు భూములు కోల్పోతున్నామని తెలిపారు. కొంతమంది కుట్రలతో బ్రౌన్ ఫీల్డ్ను అడ్డుకొని మళ్లీ గ్రీన్ ఫీల్డ్ను తీసుకొచ్చారని వివరించారు. ఇప్పటికే ఎల్లంపల్లి ప్రాజెక్టులో ముంపుకు గురై సర్వం కోల్పోయిన రైతులను మరోసారి రోడ్డుపాలు చేయొద్దని విజ్ఞప్తి చేశారు.
