- నర్సాపూర్లో మోదీ దిష్టిబొమ్మ దహనం
- మెదక్లో కాంగ్రెస్ ధర్నా
మెదక్, నర్సాపూర్, వెలుగు: నీట్ ప్రశ్న పత్రం లీకేజీ పై సిట్టింగ్ జడ్జితో విచారణ జరపాలని ఎమ్మెల్యే మైనంపల్లి రోహిత్ రావుడిమాండ్ చేశారు. ఏఐసీసీ పిలుపు మేరకు శుక్రవారం నర్సాపూర్ పట్టణంలో ప్రధాన మంత్రి నరేంద్ర మోదీ దిష్టిబొమ్మ దహనం చేశారు. మెదక్అంబేద్కర్ సర్కిల్ వద్ద ధర్నా నిర్వహించారు. ఆయా కార్యక్రమాల్లో పాల్గొన్న రోహిత్ మాట్లాడుతూ.. నీట్ ప్రశ్నం పత్రం లీకేజికి బాధ్యత వహిస్తూ పీఎం మోదీ తక్షణమే తన పదవికి రాజీనామా చేయాలని డిమాండ్ చేశారు.
స్టూడెంట్స్కు న్యాయం జరిగే వరకు కాంగ్రెస్ ఎల్లవేళలా అండగా ఉంటుందని స్పష్టం చేశారు. ఆయా కార్యక్రమాల్లో నర్సాపూర్ మాజీ ఎమ్మెల్యే చిలుముల మదన్ రెడ్డి, నర్సాపూర్ కాంగ్రెస్ నియోజక వర్గ ఇన్చార్జి ఆవుల రాజిరెడ్డి, డీసీసీ అధ్యక్షుడు ఆంజనేయులు గౌడ్, మెదక్ మున్సిపల్చైర్మన్చంద్రపాల్, నాయకులుసుప్రభాత్రావు, ప్రభాకర్రెడ్డి, సుహాసిని రెడ్డి, గూడూరి ఆంజనేయులు, ఉప్పల రాజేశ్, జీవన్ రావు, పవన్, గోపాల్రెడ్డి, ప్రశాంత్రెడ్డి, నరేందర్, శ్రీనివాస్, సుజాత, శ్రీనివాస్ గుప్తా పాల్గొన్నారు.
నీట్ పరీక్ష రద్దు చేయాలి
రామచంద్రాపురం: నీట్ ప్రశ్న పత్రం లీక్ చేసి 24 లక్షల మంది స్టూడెంట్స్భవిష్యత్ను అంధకారంలో పడేశారని వెంటనే దీనిపై సుప్రీంకోర్టు సిట్టింగ్జడ్జితో విచారణ జరిపించాలని ఐఎన్టీయూసీ సంగారెడ్డి జిల్లా అధ్యక్షుడు కొల్కూరి నర్సింహా రెడ్డి డిమాండ్ చేశారు. పరీక్ష రద్దు చేయాలని డిమాండ్ చేస్తూ పటాన్చెరులో కాంగ్రెస్ నాయకులు రాస్తారోకో చేశారు.
నారాయణ్ ఖేడ్: నీట్ ఎగ్జామ్ రద్దు చేయాలని ఖేడ్ పట్టణంలో తహసిల్ గ్రౌండ్ వద్ద స్టూడెంట్స్ తో కలిసి ఏఐఎస్ఎఫ్ నాయకులు నిరసన వ్యక్తం చేశారు. ఈ సందర్భంగా వారు మాట్లాడుతూ నీట్ ఎగ్జామ్ అవకతవకలపై సుప్రీంకోర్టు జడ్జితో విచారణ చేయించాలన్నారు. వెంటనే ఎగ్జామ్ రద్దు చేసి, మళ్లీ ఎగ్జామ్ కండక్ట్ చేయాలన్నారు.
