దుబ్బాక, వెలుగు: గ్రామ పంచాయతీలకు ప్రభుత్వం ఎనిమిది నెలలుగా నిధులను విడుదల చేయకపోవడంతో పంచాయతీ వ్యవస్థ అస్తవ్యస్తంగా తయారైందని, ఎమ్మెల్యే కొత్త ప్రభాకర్రెడ్డి ఆందోళన వ్యక్తం చేశారు. ఆదివారం దుబ్బాక ఎమ్మెల్యే క్యాంప్ఆఫీసులో ఆయన 300 మందికి రూ. 80 లక్షల విలువైన సీఎంఆర్ఎఫ్ చెక్కులను అందజేశారు. అనంతరం మాట్లాడుతూ.. గ్రామాల్లో అంతర్గత రోడ్లు రిపేర్చేయకపోవడంతో ప్రజలు రోడ్ల మీద నాట్లు వేసి నిరసన వ్యక్తం చేసే పరిస్థితి వచ్చిందన్నారు. మాజీ సర్పంచ్లు, ఎంసీటీసీలు గ్రామాల్లో అభివృద్ధి పనులు చేస్తే వారికి బిల్లులు ఇవ్వలేని స్థితిలో ప్రభుత్వం ఉందని ఆరోపించారు. గోదావరి నీళ్లు సముద్రంలోకి వృథాగా పోతున్నా అధికార యంత్రాంగం పట్టించుకోవడం లేదని మండిపడ్డారు.
కాళేశ్వరం ద్వారా రంగనాయక, మల్లన్న సాగర్, కొండపోచమ్మ సాగర్లను నింపి పంట పొలాలకు నీరందించి రైతులను ఆదుకోవాలని డిమాండ్ చేశారు. మల్లన్న సాగర్ ప్రాజెక్ట్ ద్వారా కూడవెళ్లి వాగుకు, ఇతర కాల్వలకు వెంటనే సాగు నీరందించాలని కోరారు. కార్యక్రమంలో ఎస్సీ, ఎస్టీ కమిషన్చైర్మన్ వెంకటయ్య, మున్సిపల్చైర్పర్సన్వనిత, పీఏసీఎస్చైర్మన్హరి కృష్ణారెడ్డి, బీఆర్ఎస్నాయకులు రాజమౌలి, రవీందర్ రెడ్డి, లింగం, శ్రీనివాస్, రవి, సత్యనారాయణ, బాలకిషన్గౌడ్పాల్గొన్నారు.
