మెట్ పల్లి, వెలుగు : జగిత్యాల జిల్లా మెట్ పల్లి మాజీ ఎమ్మెల్యే కొమిరెడ్డి రాములు భార్య మాజీ ఎమ్మెల్యే, కాంగ్రెస్ పార్టీ సీనియర్ నాయకురాలు కొమిరెడ్డి జ్యోతి అనారోగ్యంతో శుక్రవారం బెంగళూరులోని హాస్పిటల్ లో మృతి చెందారు. కొమిరెడ్డి రాములు గతేడాది మృతి చెందిన విషయం తెలిసిందే. 1998లో మెట్‌పల్లి అసెంబ్లీకి జరిగిన ఉప ఎన్నికల్లో రాములు తన భార్యను కాంగ్రెస్ నుంచి పోటీ చేయించి గెలిపించుకున్నారు. ఆమె మరణ వార్త తెలియడంతో పీసీసీ అధ్యక్షుడు బొమ్మ మహేశ్కుమార్ గౌడ్ ప్రగాఢ సంతాపం వ్యక్తం చేశారు. విదేశీ పర్యటనకు వెళ్తూ ఎయిర్ పోర్ట్ నుంచి జ్యోతి కొడుకు కొమిరెడ్డి కరంచంద్ కు ఫోన్ చేసి పరామర్శించారు.
