తూప్రాన్ ,వెలుగు: అమెజాన్ యాప్ లో ఫొటో ఆర్డర్ చేయగా ఓ వ్యక్తి క్రెడిట్ కార్డ్ అకౌంట్ నుంచి రూ.75 వేలు కట్అయ్యాయి. ఎస్ఐ శివానందం కథనం ప్రకారం.. మెదక్ జిల్లా తూప్రాన్ కు చెందిన గొల్లపల్లి మనీశ్ రెడ్డి ప్రభుత్వ టీచర్గా పనిచేస్తున్నారు. తన ఫోన్లో అమెజాన్ యాప్ నుంచి వివేకానంద ఫొటోని ఆర్డర్ పెట్టారు.
ఈ విషయమై అతడి ఫోన్ కి ఐసీఐసీఐ క్రెడిట్ కార్డు నుంచి గా ఒక లింకు వచ్చింది. ఆ లింకును క్లిక్ చేయడంతో అకౌంట్లో ఉన్న రూ.75,648 రూపాయలు కట్అయ్యాయి. ఈ విషయమై మనీశ్రెడ్డి పోలీసులకు ఫిర్యాదు చేయడంతో కేసు నమోదు చేసి దర్యాప్తు చేపడుతున్నట్లు ఎస్ఐ తెలిపారు.
