కోల్బెల్ట్/ఖానాపూర్, వెలుగు: ఐదేండ్లు లోపు చిన్నారులను అంగన్ వాడీలో చేర్పించాలని నేతలు, అధికారులు కోరారు. క్యాతనపల్లి, మందమర్రి మున్సిపాలిటీలు,గ్రామాల్లో శుక్రవారం అమ్మ మాట అంగన్వాడీ బాట కార్యక్రమం నిర్వహించారు. క్యాతనపల్లి మున్సిపాలిటీలోని కాకతీయకాలనీ 1,2 కేంద్రాలు, ఇందిరానగర్, పోచమ్మ బస్తీ, కాళీనగర్, సుభాష్నగర్-1 పరిధిలో అంగన్వాడీ టీచర్లు, ఆయాలు, పిల్లల తల్లులతో ర్యాలీ నిర్వహించారు.
చిన్నారులను అంగన్వాడీ కేంద్రాలకు పంపించడంతో కలిగే ప్రయోజనాలను వివరించారు. చిన్నారులకు అన్నప్రాసన, అక్షరాభ్యాసం చేశారు. కార్యక్రమంలో మందమర్రి ఎంపీడీవో రాజేశ్వర్, ఐసీడీఎస్ సీడీపీవో విజయలక్ష్మి, సూపర్వైజర్లు సరిత, అంగన్వాడీ టీచర్లు, ఆయాలు పాల్గొన్నారు. ఖానాపూర్పట్టణంలోని పద్మావతి నగర్ కాలనీలో అమ్మ మాట, అంగన్ వాడీ బాట కార్యక్రమం నిర్వహించారు. ఈ సందర్భంగా కాలనీలోని అంగన్ వాడీలో చదువుతున్న చిన్నారులతో ర్యాలీ నిర్వహించారు. అంగన్ వాడీలో చదివే పిల్లల పట్ల ప్రత్యేక శ్రద్ధ వహిస్తూ వారికి పోషకాహారం అందిస్తున్నట్లు ఖానాపూర్పట్టణ కాంగ్రెస్అధ్యక్షుడు నిమ్మల రమేశ్అన్నారు. నాయకులు తోట భీమేశ్, శ్రీపాద శేషాద్రి, మెప్మా వరలక్ష్మి, అంగన్ వాడీ టీచర్ ధనలక్ష్మి తదితరులు ఉన్నారు.
