నెట్వర్క్, వెలుగు : ఎస్సీల వర్గీకరణకు అనుకూలంగా సుప్రీం కోర్టు తీర్పునివ్వడంతో ఉమ్మడి జిల్లా వ్యాప్తంగా ఎమ్మార్పీఎస్ ఆధ్వర్యంలో నేతలు సంబురాలు చేసుకున్నారు. మంచిర్యాల జిల్లా అధ్యక్షుడు చెన్నూరి సమ్మయ్య మాదిగ ఆధ్వర్యంలో జిల్లా కేంద్రంలోని అంబేద్కర్ విగ్రహానికి పూలమాల వేశారు. ఎస్సీ వర్గీకరణకు ఎమ్మార్పీఎస్ వ్యవస్థాపక అధ్యక్షుడు మంద కృష్ణమాదిగ అలుపెరుగని పోరాటం చేశామన్నారు.
నస్పూర్ మున్సిపాలిటీలో జరిగిన వేడుకల్లో మాదిగ హక్కుల దండోరా రాష్ట్ర అధ్యక్షులు రేగుంట సునీల్ మాదిగ, మాజీ ఎమ్మెల్యే నల్లాల ఓదెలు పాల్గొన్నారు. ఆదిలాబాద్పట్టణం, ఖానాపూర్, జన్నారం, భీమారం, ఇచ్చోడ తదిత ప్రాంతాల్లో పటాకులు పేల్చి, స్వీట్లు పంచుకున్నారు. ముఖ్యమంత్రి రేవంత్రెడ్డి, బట్టి వమందకృష్ణ మాదిగ ఫొటోలకు క్షీరాభిషేకాలు చేశారు. అంబేద్కర్ విగ్రహాలకు నివాళి అర్పించారు.
తీర్పును స్వాగతిస్తున్నాం: ఇంద్రకరణ్ రెడ్డి
ఎస్సీ, ఎస్టీలకు రిజర్వేషన్లలో ఉప వర్గీకరణ సమంజసమేనని, ఈ తీర్పును స్వాగతిస్తున్నానని మాజీ మంత్రి ఇంద్రకరణ్ రెడ్డి ఓ ప్రకటనలో పేర్కొన్నారు. కోట్లాది మంది దళితుల చిరకాల స్వప్నం నిరవేరబోతుందని హర్షం వ్యక్తం చేశారు.
వలస ఎస్టీలను ఏరివేయాలి
ఆదివాసీ హక్కుల కోసం దశాబ్దాలుగా సాగిస్తున్న పోరాటం ఈ తీర్పుతో ఊరటనిచ్చిందని, తీర్పును ఆదివాసీలుగా స్వాగతిస్తున్నామని మాజీ ఎంపీ సోయం బాపురావు ఒక తెలిపారు. ఎస్టీ రిజర్వేషన్ల కోసం పక్క రాష్ట్రాల నుంచి వలస వచ్చిన లంబాడాలను ఎరివేసిన తర్వాతే శాస్త్రీయంగా ఎస్టీ వర్గీకరణ చేపట్టి న్యాయం చేయాలని ముఖ్యమంత్రిని కోరారు.
