న్యూఢిల్లీ: హెల్త్ ఇన్సూరర్లు 2023–24 ఆర్థిక సంవత్సరంలో రూ.15,100 కోట్ల విలువైన క్లెయిమ్స్ను తిరస్కరించారు. మొత్తం క్లెయిమ్స్లో ఇవి 12.9 శాతానికి సమానమని బీమా నియంత్రణ సంస్థ ఐఆర్డీఐ వెల్లడించింది. ఈ ఏడాది మొత్తం రూ.1.17 లక్షల కోట్ల విలువైన హెల్త్ఇన్సూరెన్స్ క్లెయిమ్స్రాగా, కంపెనీలు మాత్రం రూ.83,493.17 కోట్లు (71.29 శాతం) మాత్రమే చెల్లించాయి.
2023-–24 ఆర్థిక సంవత్సరంలో మొత్తం 3.26 కోట్ల క్లెయిమ్స్రాగా, 2.69 కోట్ల క్లెయిమ్స్ను మాత్రమే కంపెనీలు సెటిల్ చేశాయి. ఒక్కో క్లెయిమ్కు సగటున రూ.31,086 చెల్లించాయి. 72 శాతం క్లెయిమ్స్ను టీపీఏల ద్వారా, మిగతా వాటిని సొంతగా కంపెనీలు పరిష్కరించాయి. 66.16 శాతం క్లెయిమ్స్ను క్యాష్లెస్ పద్ధతిలో, మిగతా వాటిని రీయింబర్స్మెంట్పద్ధతిలో సెటిల్చేశాయి. 2023-–24 లో కంపెనీలు రూ.1.07 లక్షల కోట్లను ప్రీమియంగా వసూలు చేశాయి.
