నెట్వర్క్, వెలుగు: భారతరత్న, మాజీ ప్రధాని రాజీవ్ గాంధీ 80వ జయంతి వేడుకలను ఉమ్మడి జిల్లా వ్యాప్తంగా ఘనంగా జరుపుకొన్నారు. దేశాన్ని ప్రగతి బాటలో నడిపించి సాంకేతిక విప్లవంతో ప్రపంచ దేశాలతో పోటీ పడేలా పునాదులు వేసిన మహా నేత రాజీవ్ గాంధీ అని బెల్లంపల్లి ఎమ్మెల్యే గడ్డం వినోద్అన్నారు. కాసిపేట మండల కేంద్రంలోని రాజీవ్గాంధీ విగ్రహానికి పూలమాలమాలలు వేసి నివాళులర్పించారు.
నస్పూర్ మున్సిపాలిటీ పరిధిలో మున్సిపల్ చైర్మన్ వేణు, కాంగ్రెస్ పట్టణాధ్యక్షుడు సుధాకర్ ఆధ్వర్యంలో వేడుకలు జరిపారు. రాజీవ్ విగ్రహానికి నివాళులర్పించారు. అనంతరం కేక్ కట్ చేశారు. కౌన్సిలర్లు, నాయకులు పాల్గొన్నారు. కాగజ్ నగర్లో కాంగ్రెస్ అసెంబ్లీ ఇన్చార్జి రావి శ్రీనివాస్ అధ్వర్యంలో, మందమర్రి, రామకృష్ణాపూర్(క్యాతనపల్లి)లో కాంగ్రెస్ పార్టీ టౌన్ ప్రెసిడెంట్లు నోముల ఉపేందర్గౌడ్, పల్లె రాజు ఆధ్వర్యంలో వేడుకలు నిర్వహించారు.
