- విక్టోరియా పార్లమెంట్లో సన్మానం
ఆసిఫాబాద్, వెలుగు : ఖానాపూర్ మాజీ ఎమ్మెల్యే అజ్మీరా రేఖా నాయక్కు ఆస్ట్రేలియాలో అరుదైన గౌరవం లభించింది. విక్టోరియా రాష్ట్ర పార్లమెంట్లో ఇండియన్ కల్చరల్ అసోసియేషన్ ఆఫ్ విక్టోరియా అధ్వర్యంలో భారత స్వాతంత్ర్య వేడుకలు ఘనంగా నిర్వహించారు. ఈ వేడుకలకు రేఖా నాయక్తో పాటు అక్కడి మంత్రులు హజరయ్యారు. తెలంగాణలో రేఖా నాయక్ చేస్తున్న ప్రజా సేవను గుర్తించి ప్రశంసాపత్రం అందజేశారు.
మహిళా మంత్రి నటాలి హచిన్స్, రాష్ట్ర ప్రభుత్వ సలహాదారులు డాక్టర్ రాజ్ సైని రేఖా నాయక్ను సన్మానించారు. ప్రశంశాపత్రం అందజేశారు. ఈ కార్యక్రమంలో విక్టోరియా రాష్ట్ర ప్రభుత్వ సలహాదారు డాక్టర్ రాజ్ సైనీ, విక్టోరియన్ మల్టీకల్చరల్ కమిషన్ సలహాదారు రాజు వేముల, ఆస్ట్రేలియా లేబర్ పార్టీ నాయకుడు ప్రవీణ్ తదితరులు పాల్గొన్నారు.
