మంచిర్యాల జిల్లాలో ఫుడ్ సేఫ్టీ అధికారులు కొరడా ఝళిపించారు. జిల్లాలోని ప్రభుత్వ, ప్రైవేట్ ఆస్పత్రుల్లో క్యాంటిన్లను తనిఖీ చేశారు. మంచిర్యాల బస్టాండ్ ఏరియాలోని A1 హోటల్ పై ఫిర్యాదు రావడంతో తనిఖీలు చేసినట్లు మంచిర్యాల ఫుడ్ సేఫ్టీ ఆఫీసర్ తెలిపారు.
నాశిరకంగా ఉన్న ఆహార పదార్థాలను గుర్తించిన అధికారులు.. ల్యాబ్కు పంపామని.. రిపోర్టు రావడంతో ఆస్పత్రిలో హోటల్ నడిపే యాజమాన్యంపై చర్యలు తీసుకుంటామని తెలిపారు. ఇంకా మంచిర్యాల జిల్లాలో అన్ని హోటల్స్ ఫుడ్ లైసెన్స్ కలిగి ఉండాలన్నారు. నియమాలకు విరుద్దంగా.. అక్రమంగా హోటల్స్.. ఫుడ్ స్టాల్స్ పై చట్టరీత్య చర్యలు తీసుకుంటామని హెచ్చరించారు.
