బెల్లంపల్లి, వెలుగు: దక్షిణ మధ్య రైల్వే సికింద్రాబాద్ డివిజనల్ మేనేజర్ భరత్ కుమార్ జైన్ శుక్రవారం సాయంత్రం బెల్లంపల్లి రైల్వే స్టేషన్ ను ఆకస్మికంగా తనిఖీ చేశారు. స్థానిక రైల్వే అధికారులతో కలిసి రైల్వే స్టేషన్లోని ఆర్వో హెచ్ డిపో షెడ్, రన్నింగ్ రూమ్, సీ అండ్ డబ్ల్యూ విభాగాలతోపాటు సిక్ లైన్ షెడ్ విస్తరణ పనులను పరిశీలించారు. రన్నింగ్ రూమ్ను పూర్తిస్థాయిలో విస్తరించాలని ఇందుకు అవసరమైన ప్రతిపాదనలు వెంటనే రూపొందించాలని సంబంధిత అధికారులను ఆదేశించారు.
రైల్వే స్టేషన్లోని పలు విభాగాల్లో పనిచేస్తున్న కార్మికుల సమస్యలు పరిష్కరించాలని కోరుతూ డీఆర్ఎంకు దక్షిణ మధ్య రైల్వే ఎంప్లాయిస్ సంఘ్ సెక్రటరీ జీఎస్ఎన్వీ ప్రసాద్ వినతి పత్రం అందజేశారు. రైల్వే హాస్పిటట్ను అభివృద్ధి చేయాలని, కార్మికులకు క్వార్టర్లు నిర్మించాలని కోరారు. అనంతరం డీఆర్ఎం పట్టణంలోని రైల్వే కాలనీలో పర్యటించి క్వార్టర్లలో ఉన్న సమస్యలను రైల్వే సిబ్బందిని అడిగి తెలుసుకున్నారు. ఆయన వెంట పలువురు అధికారులున్నారు.
