తూప్రాన్, వెలుగు: మెదక్ జిల్లాలోని గవర్నమెంట్, ప్రవేట్ స్కూళ్లలో, కాలేజీలో చదువుతున్న 2.36 లక్షల మంది స్టూడెంట్స్కు నులిపురుగుల మాత్రలను పంపిణీ చేయడమే లక్ష్యమని కలెక్టర్ రాహుల్ రాజ్ పేర్కొన్నారు. గురువారం జాతీయ నులిపురుగుల నివారణ దినోత్సవం సందర్భంగా తూప్రాన్ గవర్నమెంట్ స్కూల్ లో స్టూడెంట్స్ కు ఆయన నులిపురుగుల మాత్రలను పంపిణీ చేశారు.
ఈ సందర్భంగా కలెక్టర్మాట్లాడుతూ..పిల్లలందరూ ఆరోగ్యంగా ఉండడంతో పాటు శారీరకంగా దృఢంగా ఉండాలంటే నులిపురుగుల మాత్రలను వేయించుకోవాలన్నారు. జిల్లాలోని అన్ని ప్రాథమిక ఆరోగ్య కేంద్రాల ద్వారా ఈ కార్యక్రమాన్ని నిర్వహిస్తున్నామన్నారు. కార్యక్రమంలో డీఎంహెచ్వో శ్రీరామ్, ఆర్డీవో జయం చంద్రారెడ్డి, మున్సిపల్ చైర్మన్ మామిళ్ల జ్యోతి, వైస్ చైర్మన్ శ్రీనివాస్, కమిషనర్ ఖాజా మొయినద్దీన్, తహసీల్దార్విజయలక్ష్మి , పీఏసీఎస్చైర్మన్ బాలకృష్ణ రెడ్డి, కౌన్సిలర్లు ఉన్నారు.
29 నుంచి సంక్షేమాధికారుల పరీక్షలు
మెదక్టౌన్ : ఈ నెల 24 నుంచి 29వరకు సంక్షేమ అధికారుల పరీక్షలు నిర్వహించేందుకు అవసరమైన అన్ని ఏర్పాట్లు చేసినట్లు కలెక్టర్ రాహుల్ రాజ్ తెలిపారు. గిరిజన, సాంఘిక, బీసీ సంక్షేమ శాఖ పరిధిలోని వసతి గృహాల్లో సంక్షేమ అధికారుల పోస్టుల కోసం నిర్వహించే గ్రేడ్- 2 పరీక్షలు ఈనెల 24 నుంచి 29 వరకు నిర్వహిస్తున్నట్లు కలెక్టర్పేర్కొన్నారు. ఈ పరీక్షల కోసం అప్లై చేసుకున్న అభ్యర్థులు వారి కేటాయించిన పరీక్ష కేంద్రాలకు గంట ముందు హాజరుకావాలన్నారు. ఉదయం 10 గంటలకు మొదటి సెషన్ పరీక్ష, మధ్యాహ్నం 2. 30 గంటల నుంచి రెండో సేషన్ పరీక్ష జరుగుతుందన్నారు.
