ఆదిలాబాద్/జన్నారం/జైపూర్, వెలుగు: మొహరం పండుగ నేపథ్యంలో గ్రామాలు, పట్టణాల్లో సవార్ల సందడి నెలకొంది. మతసామర్యసానికి అతీతంగా అన్ని ప్రాంతాల్లోని ప్రజలు మొహరం వేడుకలు జరుపుకుంటున్నారు. ఆదిలాబాద్ జిల్లా వ్యాప్తంగా సవార్లు, డోల్లు, డుమ్కిలతో ఊరేగింపులు నిర్వహించారు. జన్నారం మండలంలోని కామన్ పెల్లి, కిష్టాపూర్, గాంధీనగర్కు చెందిన భక్తులు పీరీలను మండల కేంద్రంలో ఊరేగించారు. మొహహం పండుగ సందర్భంగా గురు, లేదా శుక్రవారం పీరీలను నిమజ్ఞనం చేయనున్నట్లు తెలిపారు.
వివేక్కు మంత్రి పదవి దక్కాలని ప్రార్థనలు
చెన్నూర్ ఎమ్మెల్యే డా.గడ్డం వివేక్ వెంకటస్వామికి మంత్రి పదవి దక్కాలని భీమారం మండల కాంగ్రెస్ నేత కొక్కుల నరేశ్ ఆధ్వర్యంలో బి.ఫాతిమా హుస్సేన్, హుస్సేన్ ఆషుర్ ఖానా దర్గాలో పీరీలకు ప్రార్థనలు చేశారు. ఎమ్మెల్యే వివేక్ వెంకటస్వామి ప్రజలకు అందుబాటులో ఉండి సేవలందిస్తున్నారని కొనియాడారు. ఆయనకు మంత్రి పదవి ఇస్తే ప్రజలకు మరిన్ని సేవలు చేస్తారని అన్నారు. కాంగ్రెస్నాయకులు అలాకాటి తిరుపతి, రవి, బి.సుధాకర్, బానేశ్ తదితరులు పాల్గొన్నారు.
