మెదక్టౌన్, వెలుగు: డాక్టర్ల నిర్లక్ష్యం వల్ల తమ శిశువు చనిపోయాడని ఆరోపిస్తూ ఓ కుటుంబానికి చెందినవారు, వారి బంధువులు మెదక్పట్టణంలోని మాతా శిశు సంరక్షణ కేంద్రం (ఎంసీహెచ్ ) వద్ద శుక్రవారం ఆందోళన చేశారు. వివరాల్లోకి వెళ్తే.. హవేలీ ఘన్పూర్ మండలం కూచన్పల్లి గ్రామానికి చెందిన గర్భిణి నామ భవానిని ఈనెల 28న హాస్పిటల్లో అడ్మిట్చేయగా29న ఆమె బాబుకు జన్మనిచ్చింది. బాబుకు జ్వరం వచ్చిందని చూడాలని డాక్టర్ అరుణ నాయుడుకు చెప్పినప్పటికీ ఎలాంటి ట్రీట్మెంట్ ఇవ్వకపోగా, తమ పట్ల దురుసుగా ప్రవర్తించారని దీంతో పుట్టిన బాబు మృతి చెందారని తండ్రి శ్రీధర్ ఆరోపించాడు.
ఆగ్రహించిన బంధువులు, కుటుంబ సభ్యులు హాస్పిటల్ముందు 2 గంటల పాటు ఆందోళన నిర్వహించారు. బాబు మృతికి కారణమైన డాక్టర్తో పాటు వైద్య సిబ్బందిపై శాఖాపరమైన చర్యలు తీసుకుంటామని హాస్పిటల్సూపరింటెండెంట్చెప్పడంతో వారు ఆందోళన విరమించారు.
