జహీరాబాద్, వెలుగు: గవర్నమెంట్ హాస్పిటల్ లో పనిచేస్తున్న డాక్టర్లు విధులు సక్రమంగా నిర్వహించి రోగులకు మెరుగైన వైద్యం అందించాలని కలెక్టర్ వల్లూరి క్రాంతి సూచించారు. బుధవారం జహీరాబాద్ లోని గవర్నమెంట్ఏరియా హాస్పిటల్ను ఆమె ఆకస్మికంగా తనిఖీ చేశారు. డాక్టర్లు, సిబ్బంది హాజరు రిజిస్టర్ను పరిశీలించి సిబ్బంది సక్రమంగా విధులు నిర్వహించేందుకు చర్యలు తీసుకోవాలని హాస్పిటల్సూపరిండెంట్ శ్రీధర్ ను ఆదేశించారు.
వార్డులను కలియతిరిగి రోగులతో మాట్లాడి వారికి అందుతున్న వైద్య సేవల గురించి అడిగి తెలుసుకున్నారు. హాస్పిటల్లో సౌకర్యాలు, మందులు తదితర వివరాలకు సంబంధించిన రికార్డులను పరిశీలించారు. హాస్పిటల్లో అధికంగా ప్రసవాలు జరిపించి బాలింతలకు మంచి సేవలు అందించాలని డాక్టర్లకు సూచించారు. కార్యక్రమంలో డాక్టర్లు నాగరాజు పటేల్, శేషురావు, కిరణ్మయి, సిబ్బంది పాల్గొన్నారు .
