మెదక్ టౌన్, వెలుగు : మెదక్ జిల్లా వ్యాప్తంగా ఇన్స్పైర్ మనాక్ నామినేషన్లను వేగవంతం చేయాలని, అన్ని స్కూళ్ల లో 6వ తరగతి నుంచి 10వ తరగతి చదువుతున్న విద్యార్థులు ఈ పోటీల్లో పాల్గొనవచ్చని కలెక్టర్ రాహుల్ రాజ్ తెలిపారు.
మంగళవారం ఆయన ఛాంబర్లో డీఈవో రాధాకిషన్, డీఎస్వో రాజిరెడ్డితో కలిసి ఇన్స్పైర్ మనాక్ వాల్పోస్టర్ను ఆవిష్కరించారు. ప్రతి ప్రాథమికోన్నత, ఉన్నత పాఠశాల నుంచి ఐదు నామినేషన్లను ఆన్లైన్లో సెప్టెంబర్ 15 లోగా అప్లోడ్ చేయాలని ఆదేశించారు.
