మెదక్టౌన్, వెలుగు: దళిత వైతాళికుడు భాగ్యరెడ్డి వర్మ అని కలెక్టర్ రాహుల్ రాజ్ కొనియాడారు. బుధవారం మెదక్కలెక్టర్ ఆఫీసులో భాగ్యరెడ్డి వర్మ 136వ జయంతిని షెడ్యూల్డ్ కులాల అభివృద్ధి అధికారి విజయలక్ష్మి ఆధ్వర్యంలో నిర్వహించారు. అడిషనల్కలెక్టర్రమేశ్, జడ్పీ సీఈవో ఎల్లయ్య, సంబంధిత అధికారులతో కలిసి భాగ్యరెడ్డి వర్మ ఫొటోకు పూలమాల వేసి నివాళులర్పించారు.
ఈ సందర్భంగా కలెక్టర్ మాట్లాడుతూ.. భాగ్యరెడ్డి వర్మ 1906లో షెడ్యూల్డ్ కులాల బాలబాలికలకు విద్యను అందించడం కోసం హైదరాబాద్లోని ఈసామియా బజారులో జగన్మిత్ర మండలిని స్థాపించడం గొప్ప విషయం అన్నారు. కార్యక్రమంలో ఎస్సీ, ఎస్టీ సంక్షేమ శాఖ అధికారులు, సిబ్బంది పాల్గొన్నారు.
ధాన్యాన్ని వెంటనే మిల్లులకు తరలించాలి
జిల్లా వ్యాప్తంగా ధాన్యాన్ని కొనుగోలు చేసిన వెంటనే మిల్లులకు తరలించాలని కలెక్టర్రాహుల్రాజ్అధికారులను ఆదేశించారు. మెదక్ పట్టణంలోని దాయర వద్ద ఏర్పాటు చేసిన పీఏసీఎస్ కొనుగోలు కేంద్రాన్ని కలెక్టర్ ఆకస్మికంగా తనిఖీ చేశారు. అనంతరం మాట్లాడుతూ.. ధాన్యం విక్రయాల్లో రైతులు నాణ్యతా ప్రమాణాలు పాటించేవిధంగా అధికారులు అవగాహన కల్పించాలన్నారు. జూన్ మొదటి వారంలోగా కొనుగోళ్లు పూర్తిచేయాలని సూచించారు. కార్యక్రమంలో జిల్లా పౌరసరఫరాల శాఖ అధికారి బ్రహ్మరావు, తహసీల్దార్ శ్రీనివాస్, సిబ్బంది పాల్గొన్నారు.
