- వినతులు స్వీకరించిన కలెక్టర్లు
మెదక్టౌన్, వెలుగు : జిల్లా వ్యాప్తంగా ప్రజావాణికి వచ్చిన అర్జీలను వెంటనే పరిష్కరించాలని కలెక్టర్ రాహుల్రాజ్అధికారులకు సూచించారు. సోమవారం మెదక్కలెక్టర్ఆఫీసులో కలెక్టర్, అడిషనల్కలెక్టర్వెంకటేశ్వర్లు ప్రజల నుంచి అర్జీలను స్వీకరించారు. ఈ సందర్భంగా మెదక్ పట్టణంలోని రాందాస్ చౌరస్తా నుంచి చెమన్ నుంచి దాయర వరకు రూ.7.80 కోట్లతో చేపడుతున్న రోడ్డు నిర్మాణం నాణ్యత లోపంతో చేపడుతున్నారని దాయర వాసులు కలెక్టర్ కు ఫిర్యాదు చేశారు.
రోడ్డు విస్తరణలో భాగంగా చేపడుతున్న డ్రైనేజీ నిర్మాణం నాసిరకంగా జరుగుతోందని, ఇసుకకు బదులు పూర్తిగా డస్ట్వినియోగిస్తున్నారని ఆరోపించారు. కాంట్రాక్టర్ ఇష్టారీతిగా పనులు చేస్తున్నా ఆర్ అండ్ బీ అధికారులు పర్యవేక్షించకపోగా తమకేం సంబంధం లేదన్నట్టు వ్యవహరిస్తున్నారని తెలిపారు. కంట్రాక్టర్, ఆర్ అండ్ బీ అధికారులపై చర్యలు తీసుకుని రోడ్డు నిర్మాణ పనులు నాణ్యతగా జరిగేలా చూడాలని కోరారు. కలెక్టర్ను కలిసిన వారిలో రవికుమార్, చంద్రశేఖర్ గౌడ్, శేఖర్, రమేశ్ఉన్నారు.
కారుణ్య నియామకాలు చేపట్టాలి
సంగారెడ్డి టౌన్ : తెలంగాణ ప్రభుత్వం విడుదల చేసిన జీవో ఎంఎస్ 81 ,85 ప్రకారం 61 ఏళ్ల పైబడిన వీఆర్ఏల వారసుల నియామకాలు చేపట్టాలని కలెక్టర్ క్రాంతికి విజ్ఞప్తి చేశారు. సంగారెడ్డి కలెక్టర్ఆఫీసులో గ్రీవెన్స్ లో భాగంగా ప్రజల నుంచి కలెక్టర్ నేరుగా ఫిర్యాదులు స్వీకరించారు. రాష్ట్ర వ్యాప్తంగా 3797 మంది వీఆర్ఏ వారసుల నియామకాలు చేపట్టాలని కలెక్టర్కు విజ్ఞప్తి చేశారు. సంగారెడ్డి పట్టణంలో అంబేద్కర్ స్టేడియం గ్రౌండ్లో ఇండోర్ స్టేడియం తో పాటు 400 మీటర్స్ రన్నింగ్ ట్రాక్ ఏర్పాటు చేయాలని, అన్ని క్రీడాంశాలకు సంబంధించిన కోచ్లను నియమించడంతో పాటు ప్రాంతీయ క్రీడా అకాడమీ ఏర్పాటు చేయించి వసతులు కల్పించాలని
మంజీరా స్పోర్ట్స్ క్లబ్ అధ్యక్షుడు మానయ్య కలెక్టర్ కు వినతి పత్రం అందించారు. ప్రైవేట్ స్కూల్ఫీజుల దోపిడీని నియంత్రిస్తూ చర్యలు తీసుకోవాలని తీన్మార్ మల్లన్న టీం సభ్యులు కలెక్టర్కు ఫిర్యాదు చేశారు. గ్రీవెన్స్ లో మొత్తం 79 దరఖాస్తులు రాగా రెవెన్యూకి సంబంధించి 33, ఇతర శాఖలకు సంబంధించి 46 దరఖాస్తులు వచ్చినట్లు కలెక్టర్తెలిపారు.
సిద్దిపేట టౌన్ : ప్రజావాణి దరఖాస్తులను సత్వరమే పరిష్కరించాలని కలెక్టర్ మనుచౌదరి అధికారులకు సూచించారు. సిద్దిపేట కలెక్టర్ఆఫీసులో అడిషనల్కలెక్టర్లు గరిమా అగర్వాల్, శ్రీనివాస్ రెడ్డితో కలిసి ప్రజల నుంచి వినతులను స్వీకరించారు. ఈ సందర్భంగా కలెక్టర్మాట్లాడుతూ.. ప్రజావాణికి మొత్తం 31 దరఖాస్తులు వచ్చినట్లు తెలిపారు. ఇందులో డబుల్బెడ్రూం, పింఛన్లు, ధరణి సమస్యలు ఉన్నాయని పేర్కొన్నారు. కార్యక్రమంలో డీఆర్వో నాగ రాజమ్మ, డీఆర్డీఏపీడీ జయదేవ్ ఆర్యా, ఇతర జిల్లా శాఖల అధికారులు పాల్గొన్నారు.
