నస్పూర్, వెలుగు: మహిళల రక్షణ, వారి భద్రత విషయంలో షీ టీమ్స్, పోలీసులు బాధ్యతాయుతంగా వ్యవహరిస్తున్నారని మంచిర్యాల మహిళా పోలీస్స్టేషన్ సీఐ నరేశ్ కుమార్ అన్నారు. రామగుండం సీపీ ఎం.శ్రీనివాస్ ఆదేశాల మేరకు నస్పూర్ ఏరియాలోని కస్తుర్బా స్కూల్ విద్యార్థులకు సైబర్ మోసాలు, మహిళలపై జరిగే నేరాలు, ర్యాగింగ్, పొక్సో చట్టం, ఆత్మహత్యలు, మహిళా చట్టాలపై.. షీ టీమ్స్, భరోసా సెంటర్తో కలిసి అవగాహన కల్పించారు.
సమాజంలో జరుగుతున్న పరిస్థితులను గమనిస్తూ అప్రమత్తంగా ఉండాలన్నారు. చదువుతోనే మంచి భవిష్యత్ఉంటుందని, నిర్లక్ష్యం చేయొద్దని సూచించారు. ఎవరైనా వేధింపులకు పాల్పడితే వెంటనే షీ టీం, స్థానిక పోలీసులకు ఫోన్ చేసి సమాచారం ఇవ్వాలన్నారు. ఈ కార్యక్రమంలో పాఠశాల ఎస్ ఓ మౌనిక, భరోసా కోఆర్డినేటర్ విజయ, షీటీం సిబ్బంది, భరోసా సిబ్బంది, టీచర్లు పాల్గొన్నారు.
