కోల్బెల్ట్, వెలుగు: చెన్నూర్ ఎమ్మెల్యే వివేక్ వెంకటస్వామి శనివారం మంచిర్యాల జిల్లాలో పర్యటించారు. కాసీపేట మండల కేంద్రానికి చెందిన కాంగ్రెస్ లీడర్ బన్న లక్ష్మణ్–స్వరూప దంపతుల కొడుకు రోహిత్ కుమార్–హిమజ వివాహ వేడుకలకు మాజీ ఎమ్మెల్యే నల్లాల ఓదెలుతో కలిసి హాజరయ్యారు.
వధూవరులను ఆశీర్వదించారు. చెన్నూర్ ఎమ్మెల్యేగా వివేక్ వెంకటస్వామి ఎన్నికై ఏడాది గడిచిన సందర్భంగా కాంగ్రెస్లీడర్లు ఆయనను ఘనంగా సన్మానించారు. మంచిర్యాల హైటెక్ సిటీలోని తన నివాసంలో ఎమ్మెల్యే వివేక్ వెంకటస్వామి సోషల్ మీడియా వారియర్స్తో సమావేశమై పలు అంశాలపై చర్చించారు.
బాధిత కుటుంబాలకు పరామర్శ
చెన్నూర్ మండలంలోని కొమ్మెర గ్రామానికి చెందిన ముత్యాల శ్రీకాంత్ గౌడ్, కాల్వ ఎల్లారీ వివిధ కారణాలతో ఇటీవల మృతిచెందారు. బాధిత కుటుంబాలను శనివారం ఎమ్మెల్యే వివేక్ పరామర్శించారు. ఆ కుటుంబసభ్యులను ఓదార్చారు.
