బెల్లంపల్లి రూరల్, వెలుగు: నెన్నెల శివారులోని చెరువు సమీపంలో గంజాయి తాగుతున్న 8 మంది యువకులను గురువారం అరెస్ట్ చేసినట్లు బెల్లంపల్లి ఏసీపీ రవికుమార్ తెలిపారు. రూరల్సీఐ అఫ్జలోద్దీన్, నెన్నెల ఎస్ఐ ప్రసాద్తో కలిసి బెల్లంపల్లి ఏసీపీ కార్యాలయంలో వివరాలు వెల్లడించారు. పక్కా సమాచారంతో ఎస్ఐ సిబ్బందితో కలిసి చెరువు వద్దకు వెళ్లగా గంజాయి తాగుతున్న యువకులు పారిపోయేందుకు ప్రయత్నించగా వారిని పట్టుకున్నారు. తాళ్లగురిజాలకు చెందిన గంజాయి విక్రేత మహ్మద్ముస్తాఫా వద్ద 169 గ్రాముల గంజాయి లభించింది.
ముస్తాఫాతో పాటు నెన్నెల మండలం గన్పూర్కు చెందిన పోతరాజుల ఆకాశ్, కన్నెపల్లి మండలం చర్లపల్లికి చెందిన శనిగారపు వినోద్, బెల్లంపల్లి మండలం దుగినేపల్లికి చెందిన జాడి సుందర్, చల్లూరి రమాకాంత్, నెన్నెలకు చెందిన దుర్గం స్వామి, పిట్ట శేఖర్, గుండ్లోమారానికి చెందిన రత్నం దేవేందర్ను అరెస్ట్ చేసి కేసు నమోదు చేసినట్లు చెప్పారు. బెల్లంపల్లికి చెందిన జమీల్పరారీలో ఉన్నట్లు తెలిపారు.
