నస్పూర్, వెలుగు : కాంగ్రెస్ మంచిర్యాల జిల్లా యూత్ విభాగానికి జరిగిన ఎన్నికల్లో నస్పూర్ కు చెందిన అనిల్ రావు విజయం సాధించారు. శ్రీరాంపూర్ ఏరియాలోని ఎస్ఆర్పీ1 గనిలో కార్మికునిగా పనిచేస్తున్న అనిల్ రావు కాంగ్రెస్లో చురుగ్గా పనిచేస్తున్నారు. ఎమ్మెల్యే ప్రేమ్ సాగర్ రావు, డీసీసీ అధ్యక్షురాలు కొక్కిరాల సురేఖ సహకారంతో జిల్లా యూత్ అధ్యక్షుడిగా పోటీలో నిలిచారు.
ఇటీవల ప్రకటించిన ఎన్నికల ఫలితాల్లో అనిల్ రావు రాష్ట్రంలోనే భారీ మెజార్టీతో (17616) విజయం సాధించారు. ఈ సందర్భంగా అనిల్ రావును సీఎం రేవంత్రెడ్డి, ఎమ్మెల్యే అభినందించారు.
