- టీయూడబ్ల్యూ జే (హెచ్ -143) రాష్ట్ర అధ్యక్షుడు అల్లం నారాయణ
ఆసిఫాబాద్, వెలుగు : ఐక్య పోరాటాలతో జర్నలిస్టుల హక్కులను సాధించుకుందామని టీయూడబ్ల్యూజే (హెచ్–143) రాష్ట్ర అధ్యక్షుడు అల్లం నారాయణ అన్నారు. ఆదివారం ఆసిఫాబాద్ జిల్లా కేంద్రంలోని ఆదివాసీ భవన్లో ఏర్పాటు చేసిన సమావేశానికి ఆయన హాజరై మాట్లాడారు. సంఘం బలోపేతానికి మండల స్థాయి నుంచి జిల్లాస్థాయి దాకా కమిటీలు ఏర్పాటు చేస్తామని చెప్పారు. జర్నలిస్టులు సభ్యత్వ నమోదులో ఉత్సాహంగా పాల్గొనాలని ఆయన పిలుపునిచ్చారు.
ఈ సమావేశంలో రాష్ట్ర కార్యదర్శి మారుతి సాగర్, ఎలక్ట్రానిక్ మీడియా రాష్ట్ర అధ్యక్షుడు విష్ణువర్ధన్ రెడ్డి, జిల్లా కన్వీనర్ రవి నాయక్, రాష్ట్ర కార్యవర్గ సభ్యులు జాడి హనుమయ్య, యోగానంద స్వామి, యూనియన్ నేతలు ధీకొండ సతీశ్ తదితరులు పాల్గొన్నారు.
