మెదక్టౌన్, వెలుగు: జిల్లాలో గ్రూప్ వన్ రాత పరీక్షకు అన్ని ఏర్పాట్లు చేసినట్లు అడిషనల్ ఎస్పీ మహేందర్ తెలిపారు. గురువారం మెదక్ గవర్నమెంట్ డిగ్రీ కాలేజీ ప్రిన్సిపాల్ హుస్సేన్ ఆధ్వర్యంలో పరీక్ష కేంద్రాల చీఫ్ సూపరింటెండెంట్లు, అబ్జర్వర్లు, బయోమెట్రిక్ ఇన్విజిలేటర్లకు అవగాహన కార్యక్రమం నిర్వహించారు.ఈ కార్యక్రమంలో పాల్గొన్న ఏఎస్పీ మహేందర్ మాట్లాడుతూ..ఈ నెల 9న గ్రూప్--1 ప్రిలిమినరీ రాత పరీక్షకు హాజరయ్యే అభ్యర్థులకు బయోమెట్రిక్ పద్ధతిలో వేలిముద్రలు తీసుకుంటామన్నారు. దీనికి వీలుగా అభ్యర్థులు పరీక్ష సమయానికి గంట ముందుగానే రావాలన్నారు.
పరీక్షకు సంబంధించిన నిబంధనలు హాల్ టికెట్లో ఉంటాయని వాటిని ఒకటికి రెండుసార్లు చదువుకోవాలన్నారు. అలాగే పరీక్ష హాల్లోకి ఎలాంటి ఎలక్ట్రానిక్, ఇతర వస్తువులకు అనుమతి ఉండదని, చేతులకు గోరింటాకు పెట్టుకోవద్దని సూచించారు. సమావేశంలో డిగ్రీ కాలేజీ ప్రిన్సిపాల్ హుస్సేన్, మధుసూదన్ గౌడ్, అనిల్ కుమార్, రవీందర్, సందీప్రెడ్డి, చీప్ సూపరింటెండెంట్లు, అబ్జర్వర్లు, బయోమెట్రిక్ ఇన్విజిలేటర్లు పాల్గొన్నారు.
