న్యూఢిల్లీ: మెట్రో టైర్స్ కంపెనీకి రూ.1.85 కోట్లు చెల్లించడంలో విఫలమైన హీరో ఎలక్ట్రిక్కు వ్యతిరేకంగా దివాలా ప్రక్రియను మొదలు పెట్టాలని నేషనల్ కంపెనీ లా ట్రిబ్యునల్(ఎన్సీఎల్టీ) ఆదేశించింది. కంపెనీ బోర్డును రద్దు చేయడమేగాక తాత్కాలిక నిర్వహణ బాధ్యతలు చూసేందుకు ఇంటెరిమ్ రిజల్యూషన్ప్రొఫెషనల్గా భూపేశ్ గుప్తాను నియమించింది.
మెట్రో టైర్స్తో తమకు ఎప్పటి నుంచో వివాదం ఉందని, దివాలా ప్రక్రియ అవసరం లేదన్న హీరో ఎలక్ట్రిక్ వాదనను తోసిపుచ్చింది. ఈ కంపెనీ మైట్రో టైర్స్ నుంచి 2022 ఆగస్టు నుంచి డిసెంబరు వరకు రూ.3.69 కోట్ల విలువైన సైకిల్ టైర్లను, ట్యూబులను కొన్నది. ఈ మొత్తంలో రూ.1.85 కోట్లు చెల్లించలేదని కంపెనీ ఫిర్యాదు చేసింది.
