వాట్సాప్..ఇది ప్రపంచంలోనే అత్యంత ప్రజాదరణ పొందిన మేసేజింగ్ యాప్..భారత్ దేశంలో 550 మిలియన్లకు పైగా కస్టమర్లు ఉన్నారు. ఫ్రెండ్స్, కుటుంబ సభ్యులతో పాటు వ్యాపారపరమైన మేసేజ్, ఆడియో వీడియో కాల్స్ చేసుకోవచ్చు. అయితే వాట్సాప్ యాప్ ల ద్వారా డిజిటల్ మోసాలు బాగా జరుగుతున్నాయని ఇటీవల కాలంలో జరిగిన కొన్ని సంఘటనలు, రిపోర్టులు చెబుతున్నాయి. వాట్సాప్ సురక్షితమైన మేసేజింగ్ యాప్ అని చెబుతున్నప్పటికీ కొన్ని పొరపాట్లు సమస్య లకు దారి తీస్తున్నాయి..
వాట్సాప్ కస్టమర్లకు ఇటీవల ఓ కొత్త సమస్య వచ్చి పడింది. అదేంటంటే.. వాట్సాప్ ఆడియో లేదా వీడియో కాల్స్ మాట్లాడుతున్నప్పుడు మన లోకేషన్ ట్రాక్ చేయొచ్చు. ఇది మన ప్రైవసీకి చాలా ఆటంకం.. ఇలాంటి సంఘటనలు జరగకుండా ఉండాలంటే..
Also Read:-తిరుమల కొండపై.. ఏసుక్రీస్తు గుర్తులతో ఉన్న వస్తువుల అమ్మకం..
వాట్సాప్ ఆడియో కాల్ లేదా వీడియో కాల్ చేస్తున్నపుడు మన లోకేషన్ ట్రాక్ చేయకుండా ఉండాలంటే సెట్టింగ్ లోకి వెళ్లి కొన్ని మార్పులు చేయడం ద్వారా ఈ సమస్యను పరిష్కరించవచ్చు. వాట్సాప్ కాల్స్ లో IP అడ్రస్ ప్రొటెక్ట్ అనే ఫీచర్ ఉంటుంది.. ఈ ఫీచర్ ను అవైలేబుల్ చేయడం ద్వారా కాల్స్ సమయంలో ఈ లోకేషన్ ను ట్రాక్ అవకుండా అడ్డుకోవచ్చు .
ఎలా చేయాలంటే..
- మీ ఫోన్ వాట్సాప్ యాప్ ఓపెన్ చేయాలి. .
- స్క్రీన్ పై భాగంలో ఉన్న మూడు చుక్కలను క్లిక్ చేయాలి.
- సెట్టింగ్స్ సెలక్ట్ చేసుకొని ప్రైవసీ అనే ఆప్షన్ ను క్లిక్ చేయాలి.
- లేటెస్ట్ అనే లేబుల్ పై క్లిక్ చేయాలి.
- మీరు కాల్స్ లో IP అడ్రస్ ప్రొటెక్ట్ అనే ఆప్షన్ ను ఎంచుకోవాలి. ఈ ఫీచర్ ఆన్ చేయడం ద్వారా మీరు మీ లోకేషన్ ను ట్రాక్ చేయకుండా అడ్డుకోవచ్చు.
