- కృష్ణా ట్రిబ్యునల్ ముందు తెలంగాణ అడ్వొకేట్ వాదన
- 2015లో జరిగిన ఒప్పందం ఒక్క ఏడాదికి మాత్రమే
- ఇన్సైడ్ బేసిన్క ప్రాధాన్యం ఇవ్వాలి కదా?
- గోదావరి నుంచి డెల్టాకు ఏపీ తీసుకెళ్తున్న జలాలను ఎందుకు లెక్కలోకి తీసుకోలేదని ప్రశ్న
- ఏపీ తరఫు సాక్షి ఏకే గోయల్ ను క్రాస్ ఎగ్జామినేషన్ చేసిన అడ్వొకేట్
హైదరాబాద్, వెలుగు: కృష్ణా జలాల్లో ట్రిబ్యునళ్లు కేటాయించిన వాటాలో తెలంగాణ అతి తక్కువ వినియోగించుకున్నదని కృష్ణా వాటర్డిస్ప్యూట్స్ట్రిబ్యునల్2 (కేడబ్ల్యూడీటీ 2– బ్రజేశ్కుమార్ట్రిబ్యునల్) ముందు తెలంగాణ తరఫు అడ్వొకేట్సీఎస్ వైద్యనాథన్ వాదించారు. గంపగుత్త కేటాయింపులైన 811 టీఎంసీల్లో తెలంగాణ ఈ పదేండ్లలో సగటున కేవలం 23.35 శాతం జలాలనే వాడుకున్నదని, అదే ఏపీ 76.65 శాతం నీటిని తరలించుకుపోయిందని వివరించారు. అయితే, ఈ విషయం తనకు తెలియదని ఏపీ తరఫు సాక్షి అనిల్ కుమార్ గోయల్(ఏకే గోయల్) చెప్పారు. 2015లో రెండు రాష్ట్రాల మధ్య జరిగిన ఒప్పందం కేవలం ఆ ఒక్క ఏడాదికేనని, మరి ఈ పదేండ్లలో ఏపీ ఎన్ని నీళ్లు తరలించుకుపోయిందో తెలుసా? అని అడ్వొకేట్ప్రశ్నించగా.. ఏకే గోయల్ తెలియదన్నారు. గురువారం ట్రిబ్యునల్లో ఏకేగోయల్ను తెలంగాణ అడ్వొకేట్సీఎస్ వైద్యనాథన్ క్రాస్ ఎగ్జామినేషన్చేశారు. వరద లోటు ఉన్న బేసిన్లో ఔట్సైడ్బేసిన్కు కాకుండా ఇన్సైడ్ బేసిన్కే ఎక్కువ ప్రాధాన్యం ఇవ్వాలన్న విషయం తెలుసా? అని అడ్వొకేట్ప్రశ్నించారు. అయితే, అన్ని సందర్బాల్లోనూ అలా చూడాల్సిన అవసరం లేదని ఏకే గోయల్చెప్పారు. నేషనల్ వాటర్పాలసీ 2012లోనూ అలాంటి రూలేమీ లేదని చెప్పారు. 2016లో కేంద్ర జలశక్తి శాఖ ఇంటిగ్రేటెడ్వాటర్రీసోర్సెస్డెవలప్మెంట్మేనేజ్మెంట్పై గైడ్లైన్స్ తయారు చేసిన విషయం తెలుసా? అని అడ్వొకేట్ ప్రశ్నించగా.. తెలుసని, అయితే అందులో ఏముందో పూర్తిగా తెలియదని గోయల్చెప్పారు.
మీ ఆపరేషనల్ ప్రొటోకాల్ తప్పా?
ఆపరేషనల్ప్రొటోకాల్లో కేవలం శ్రీశైలం, నాగార్జునసాగర్కే పరిమితమయ్యారని, ఎగువన తీసుకున్న నీటిని పరిగణనలోకి తీసుకోలేదని, అలాంటప్పుడు ఆ ఆపరేషనల్ ప్రొటోకాల్తప్పుగా తయారు చేశారా అని తెలంగాణ అడ్వొకేట్ప్రశ్నించారు. ఎగువన అనుమతించిన నీటిని తీసుకున్న తర్వాతే శ్రీశైలం, నాగార్జునసాగర్ప్రాజెక్టులకు వచ్చే వరద ఆధారంగా కేటాయింపులుంటాయని ఏకే గోయల్తెలిపారు. 65 శాతం డిపెండబిలిటీ ఆధారంగా జూరాలకు 9 టీఎంసీలు, ఆర్డీఎస్స్కీమ్కు 4 టీఎంసీల చొప్పున నీటి కేటాయింపులున్నాయని, వాటిని శ్రీశైలం/నాగార్జునసాగర్ ప్రాజెక్టులకు 30 టీఎంసీల క్యారీ ఓవర్ స్టోరేజీని పరిగణనలోకి తీసుకున్న తర్వాతే ట్రిబ్యునళ్లు కేటాయింపులు చేశాయన్నారు. ఏపీ చేపట్టిన చింతలపూడి లిఫ్ట్ఇరిగేషన్ను పరిగణనలోకి తీసుకున్నారా? ఆ స్కీమ్ ద్వారా 2.8 లక్షల ఎకరాలకు ఏపీ నీళ్లను తరలించాలనుకుంది కదా? అని తెలంగాణ అడ్వొకేట్ ప్రశ్నించగా.. దాన్ని తాను పరిగణనలోకి తీసుకోలేదని, కేవలం కృష్ణా ట్రిబ్యునళ్ల పరిధిలోని ప్రాజెక్టులు, 2015లో రెండు రాష్ట్రాల మధ్య జరిగిన ఒప్పందం ఆధారంగానే ఆపరేషనల్ప్రొటోకాల్ తయారు చేశానని వివరించారు. సాగర్కుడి కాల్వ కింద ఆయకట్టు కోసం ఏపీ చేపట్టిన వైఎస్సార్పల్నాడు డ్రాట్ఇరిగేషన్ ప్రాజెక్ట్ గురించి తెలుసా అని ప్రశ్నించగా.. తెలియదని బదులిచ్చారు.
