సౌత్ ఇండియన్ డిషెస్ అయిన దోశ, ఇడ్లీ, వడ చాలా పాపులర్. ఇండియాలోనే కాదు.. ప్రపంచంలోనే అవి చాలా ఫేమస్. మనవాళ్లయితే విదేశాలకు వెళ్లినప్పుడల్లా అక్కడ ఉన్న ఇండియన్ రెస్టారెంట్స్ కోసం వెతుకుతారు. ముఖ్యంగా సౌత్ ఇండియన్స్ ఫుడ్ విషయంలో చాలా పర్టిక్యులర్గా ఉంటారు. కారణం రుచికరమైన ఫుడ్ను మిస్ అవ్వలేకపోవడమే. అలాంటి వాళ్లకోసమే ఇద్దరు విదేశీయులు మన వంటలు నేర్చుకుని మరీ వాళ్ల దేశంలో రెస్టారెంట్ పెట్టారు.
జపాన్లోని క్యోటో సిటీలో ‘తడ్కా’ అనే రెస్టారెంట్ ఉంది. దాన్ని నడిపేది జపనీయులే. ఇదెలా బయటపడిందంటే... ప్రసన్న కార్తీక్ అనే అతను జపాన్ వెళ్లాడు. అక్కడ సౌత్ ఇండియన్ రెస్టారెంట్స్ కోసం వెతుకుతుంటే ఇది కనిపించిందట. ‘ఈ రెస్టారెంట్కి వెళ్లిన నాకు ఎన్నో ఇంట్రెస్టింగ్ విషయాలు తెలిశాయం’టూ ఎక్స్ (ట్విటర్)లో ఓ స్టోరీ పెట్టాడు.
తడ్కా రెస్టారెంట్లో సౌత్ ఇండియన్ ఫుడ్స్ దొరుకుతాయి. వాటిని వండేది జపనీయులే. కానీ టేస్ట్ మాత్రం అచ్చం ఇండియన్స్ వండితే ఎలా ఉంటుందో అచ్చం అలానే ఉంటుంది. దాని వెనక ఉన్న రహస్యం ఏంటంటే.. ఈ రెస్టారెంట్ ఓనర్ ప్రతి ఆరు నెలలకు ఒకసారి చెన్నయ్ వెళ్లొస్తుంటాడు. అక్కడ కొత్త డిషెస్ చూసి నేర్చుకుంటాడు. వాటిలో పర్ఫెక్షన్ వచ్చేంతవరకు ప్రాక్టీస్ చేస్తాడు. పర్ఫెక్ట్గా వచ్చింది అనుకున్నప్పుడే దాన్ని మెనూలో యాడ్ చేస్తాడు. అలా ఒక్కో రెసిపీ మెనూ చేర్చుకుంటూ వచ్చాడట తడ్కా ఓనర్. ‘ఇక్కడ దొరికే వాటిలో దోశ, ఇడ్లీ అయితే చాలా బాగున్నాయి. ఈ రెస్టారెంట్కి ఇండియన్ కస్టమర్స్ వచ్చేది తక్కువే.
కానీ, జపనీయులే ఈ రుచులను ఆస్వాదించడానికి వస్తుంటారు’ అని ప్రసన్న పోస్ట్ చేసిన స్టోరీలో చెప్పాడు. అంతేకాదు... నిజానికి జపనీయులు అన్నం చేత్తో కాకుండా చాప్స్టిక్స్తో తింటారు. అలాంటిది ‘తడ్కా’ రెస్టారెంట్లో మాత్రం ఇండియన్ స్టయిల్లో చేత్తో తినాలట. అలా తినాలని బోర్డు పెట్టి అందులో ఫొటోలు అతికించి, ఎలా తినాలో కింద రాశారు. అలా వీళ్లు నిజమైన ఇండియన్ స్టయిల్ని ప్రమోట్ చేస్తున్నారు. ఈ ప్రాసెస్లో ఇద్దరు ఓనర్లు ఇండియన్ కల్చర్ని, హిందూయిజాన్ని కూడా ఇంట్రెస్ట్తో ఉన్నారు.
