నల్గొండ అర్బన్, వెలుగు: నల్లగొండ జిల్లా పాత జడ్పీ ఆఫీసులోని జడ్పీ ఆడిట్ సెల్ ఆఫీసులో గురువారం అర్ధరాత్రి షార్ట్ సర్క్యూట్ తో మంటలు చెలరేగాయి. ఈ ప్రమాదంలో కొన్ని ఫైల్స్, కంప్యూటర్లు కాలిపోయాయని, రూ.8 లక్షల ఆస్తినష్టం జరిగిందని ఆడిట్ ఆఫీసర్ కృపాకర్ తెలిపారు.
కాలిపోయిన ఫైల్స్ అన్నీ సిస్టమ్ లో భద్రంగా ఉన్నాయని, కాలిపోయినవి10 శాతం మాత్రమేనని చెప్పారు. గతంలో కూడా నల్గొండ విద్యాశాఖ ఆఫీసు, మున్సిపల్ ఆఫీసులో ఫైల్స్ కాలిపోయిన సంగతి తెలిసిందే. ప్రమాదాలకు షార్ట్ సర్క్యూటే కారణమా లేక ఏదైనా కుట్ర కోణం ఉందా అనే కోణంలో విచారణ జరుపుతున్నారు.
