కరీంనగర్ సిటీ, వెలుగు: తెలంగాణ సమగ్ర శిక్ష ఉద్యోగులను రెగ్యులరైజ్ చేయాలని బీజేపీ సీనియర్ నాయకులు సుగుణాకర్ రావు డిమాండ్ చేశారు. మంగళవారం కలెక్టరేట్ ముందు సమగ్ర శిక్ష ఉద్యోగుల సంఘం ఆధ్వర్యంలో నిర్వహిస్తున్న నిరవధిక సమ్మెకు ఆయన మద్దతు తెలిపారు. ఈ సందర్భంగా సుగుణాకర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌రావు మాట్లాడుతూ ఎన్నికలకు ముందు సీఎం ఇచ్చిన హామీ మేరకు సమగ్ర శిక్షా అభియాన్ ఉద్యోగులను రెగ్యులర్ చెయాలని కోరారు.
జగిత్యాల టౌన్/ సిరిసిల్లటౌన్, వెలుగు: జగిత్యాల, సిరిసిల్లలో ఎస్ఎస్ఏ ఉద్యోగులు నిరవధిక సమ్మె చేపట్టారు. జగిత్యాలలో ఉద్యోగులు పాతబస్టాండ్ నుంచి తహసీల్ చౌరస్తా వరకు ర్యాలీ నిర్వహించారు. అనంతరం మానవహారంగా ఏర్పడి తమకు ఇచ్చిన ఉద్యోగ భద్రత హామీని నెరవేర్చాలని నినాదాలు చేసి అంబేద్కర్ విగ్రహానికి వినతిపత్రం సమర్పించారు. సిరిసిల్లలో కలెక్టరేట్ ఎదుట నిరవధిక సమ్మెకు దిగారు.
