వేల రూపాయలు ఖర్చు చేసి స్మార్ట్ ఫోన్ కొంటారు. ఎడాపెడా వాడితే సరిపోదు అప్పుడప్పుడు దాని బ్యాటరీ కెపాసిటీ కూడా చెక్ చేసుకుంటుండాలి. ఎంత మంచి ఫోన్ అయినా ఎక్కువగా వాడితే బ్యాటరీ లైఫ్ తగ్గిపోవడం ఖాయం. కాబట్టి బ్యాటరీ లైఫ్ పెరగాలి, ఎక్కువ రోజులు వాడాలి అంటే కొన్ని జాగ్రత్తలు తీసుకోవాలి.
స్మార్ట్ ఫోన్స్లో లిథియం అయాన్ బ్యాటరీలు ఉంటాయి. ఎక్కువగా వాడితే వాటి కెపాసిటీ తగ్గిపోతుంది. దాన్ని ఆపడం మన చేతుల్లో ఉండదు. కానీ... బ్యాటరీ త్వరగా పాడవ్వకుండా జాగ్రత్తలు తీసుకోవచ్చు. ఆ జాగ్రత్తల వల్ల బ్యాటరీ లైఫ్ పెరుగుతుంది కూడా. అవేంటంటే..
- విపరీతమైన వాతావరణంలో అంటే.. వేడి లేదా చలి ఎక్కువగా ఉన్న ప్రాంతాల్లో స్మార్ట్ ఫోన్స్ వాడకూడదు.
- ఫోన్ ఛార్జింగ్కి పెట్టేటప్పుడు ఫోన్ కేస్ తీసి పక్కన పెట్టాలి. అప్పుడు ఫోన్ వేడెక్కదు.
- ఆప్టిమైజ్డ్ బ్యాటరీ ఛార్జింగ్ అనే ఆప్షన్ని ఫోన్లో ఎనేబుల్ చేసుకోవాలి. 80 శాతం ఛార్జింగ్ ఉన్నా ఫోన్ వాడే అవసరం లేనప్పుడు ఇలా చేయడం బెటర్.
- ఛార్జింగ్ లిమిట్ 25 శాతం వరకే పెట్టుకోవాలి. అంతకంటే తక్కువ కాకుండా చూసుకోవాలి.
- 5జీ కంటే 4జీ ఎల్టీఈ ఆన్ చేసి పెట్టుకోవాలి. అలాగే రిఫ్రెష్ రేట్ 60 హెచ్జెడ్కి తీసుకెళ్లాలి.
- ఎక్కువ పవర్ వాడుకునే కొన్ని యాప్స్ వాడితే బ్యాక్గ్రౌండ్ యాక్టివిటీ లిమిట్లో ఉంచుకోవాలి.
