తాను గెలిస్తే యూత్ కు ఉపాధి కల్పిస్తా
బీజేపీ ఎంపీ అభ్యర్థి ధర్మపురి అర్వింద్
నిజామాబాద్, వెలుగు: గత ఎలక్షన్లో బాండ్పేపర్ రాసిచ్చి పసుపు బోర్డు సాధించానని రెండోసారి గెలిచాక యూత్కు ఉపాధి అవకాశాలపై ప్రధాన ఫోకస్ చేస్తానని బీజేపీ అభ్యర్థి ధర్మపురి అర్వింద్ తెలిపారు. శుక్రవారం ఆయన జిల్లా పార్టీ ఆఫీస్లో మీడియాతో మాట్లాడారు. ఐదేండ్ల పాటు తాను నిర్ణయించుకున్న లక్ష్యాలపై విజన్ డాక్యుమెంట్ పేరుతో ఆయన కరపత్రం విడుదల చేశారు. వ్యవసాయ ఆధారిత ఇండస్ట్రీస్ జిల్లాకు తెస్తానని, పసుపు, వరి, మొక్కజొన్న, మామిడి అనుబంధ పరిశ్రమలు తేవడంతో పాటు మంచి రేట్ లభించేలా చూస్తానన్నారు. జక్రాన్పల్లి ఎయిర్పోర్టు, నిజాం చక్కెర ఫ్యాక్టరీలు రీఓపెన్, బీడీ కార్మికుల కోసం 500 పడకల సూపర్ స్పెషాలిటీ హాస్పిటల్, ఆర్మూర్– ఆదిలాబాద్ రైల్వేలైన్, ముద్కెడ్–డోన్ వయా నిజామాబాద్డబ్లింగ్ లైన్, బోధన్–బీదర్ కొత్త లైన్ వేయిస్తానన్నారు. 25 వేల మంది యూత్కు జాబ్స్ దొరికేలా పెట్టుబడులు తెస్తానని అర్హులైన కుటుంబాలకు రేషన్ కార్డులు స్టేట్గవర్నమెంట్తో కొట్లాడి ఇప్పిస్తానన్నారు. ఎమ్మెల్యేలు ధన్పాల్ సూర్యనారాయణ, పైడి రాకేశ్రెడ్డి, జిల్లా పార్టీ ప్రెసిడెంట్ దినేష్కులాచారి తదితరులు ఉన్నారు.
