-గోదావరిఖని, వెలుగు : రామగుండం నియోజకవర్గంలో అభివృద్ధి విషయంలో మార్పు మొదలైందని ఎమ్మెల్యే ఎంఎస్ రాజ్ఠాకూర్ తెలిపారు. కార్పొరేషన్ పరిధిలోని 38వ డివిజన్లో రూ.3.76 కోట్ల టీయూఎఫ్ఐడీసీ నిధులతో పైలట్ ప్రాజెక్ట్గా నిర్మిస్తున్న 900 మీటర్ల ఓపెన్ డ్రైనేజీ మేజర్ నాలా పనులను ఎమ్మెల్యే ఆదివారం పరిశీలించారు.
ఈ సందర్భంగా ఆయన మాట్లాడుతూ చాలా ప్రాంతాలలో అండర్ గ్రౌండ్ డ్రైనేజీ, ఓపెన్ డ్రైనేజీ నాలాలు లేక చెత్త చెదారం పేరుకుపోయి దుర్వాసనతో ప్రజలు చాలా ఇబ్బందులకు గురయ్యేవారన్నారు. గడిచిన 25 ఏళ్ళలో ఈ ప్రాంతాన్ని పరిపాలించిన ప్రజాప్రతినిధులు చేయలేని పనులు నేడు కాంగ్రెస్ పాలనలో జరుగుతున్నాయని తెలిపారు.
