ఆర్మూర్, వెలుగు : ఆర్మూర్ డివిజన్ పరిధిలో ఫిట్ నెస్ లేకుండా నడుస్తున్న స్కూల్ బస్సులను సీజ్ చేయాలని పీడీఎస్యూ నాయకులు డిమాండ్ చేశారు. మంగళవారం ఆర్మూర్ ఎంవీఐ వివేకాంద్ రెడ్డికి వినతి ప్రతం ఇచ్చారు. ఈసందర్భంగా పీడీఎస్యూ జిల్లా అధ్యక్షుడు నరేందర్
మాట్లాడుతూ నిబంధనలకు విరుద్ధంగా ప్రైవేట్ పాఠశాలల బస్సుల్లో సీట్లకు మించి విద్యార్థులను తీసుకెళ్తున్నారని చెప్పారు. వారిపై చర్యలు చేపట్టాలని డిమాండ్ చేశారు. ఈ కార్యక్రమంలో నాయకులు అనిల్, నిఖిల్ తదితరులు పాల్గొన్నారు.
