లోబడ్జెట్ కస్టమర్లకు కోసం నోకియా మూడు కొత్త 4G ఫీచర్ సెల్ ఫోన్లను మార్కెట్లోకి విడుదల చేసింది. నోకియా 3210, నోకియా 235 4G,నోకియా 220 4G పేరుతో ఫోన్లను తీసుకొచ్చింది. ఇందులో నోకియా 3210.. 25 యేళ్ల క్రితం నోకియా తీసుకొచ్చిన మోడల్.. దీనిని తిరిగి మార్కెట్లోకి విడుదల చేసింది. ఇక మిగతా రెండు ఫోన్లు 4G ఫీచర్లతో అందిస్తోంది.వీటిలో ప్రత్యేకత ఏంటంటే.. క్యూఆర్ కోడ్ స్కాన్ చేసి UPI పేమెంట్స్ చేసే ఆప్షన్ ఉంది. అలాగే యూట్యూబ్, యూట్యూబ్ మ్యూజిక్ ఫీచర్లను కలిగి ఉన్నాయి. ఈ మూడు ఫోన్ల ఫీచర్లు, ధర, స్పెసిఫికెషన్లు గురించి ఈ ఆర్టికల్ లో తెలుసుకుందాం.
నోకియా 235 4G (2024)
నోకియా 235 4G ఫీచర్ ఫోన్.. 2.8 అంగుళాల IPS డిస్ ప్లే, 2మెగా పిక్సెల్ బ్యాక్ కెమెరాతో వస్తుంది. ఇది మన్నిక, శైలి కోసం బుల్ట్ చేశారు. ఆధునిక ఫీచర్లను అందిస్తోంది. అందించబడుతుంది. ఇది Unisoc T107 ప్రాసెసర్, S30+ ఆపరేటింగ్ సిస్టమ్‌తో రన్ అవుతుంది. 64MB RAM , 128MB స్టోరేజ్, మైక్రో SD కార్డ్ ద్వారా 32GB వరకు విస్తరించుకోవచ్చు. 1450mAh రిమూవబుల్ బ్యాటరీతో ఫోన్ 9 గంటల టాక్ టైమ్‌ను అందిస్తుంది. కనెక్టివిటీ ఎంపికలలో బ్లూటూత్ v5.0, హెడ్‌ఫోన్ జాక్ , ఛార్జింగ్ కోసం USB-C ఉన్నాయి.
అదనపు ఫీచర్లు MP3 ప్లేయర్, FM రేడియో , క్లౌడ్ యాప్‌లు, న్యూస్. వాతావరణ అప్‌డేట్‌లు, క్లాసిక్ స్నేక్ గేమ్ , YouTube షార్ట్‌లకు సపోర్ట్ ఉన్నాయి. ఇది స్కాన్ & పే UPI యాప్‌లను కూడా సపోర్ట్ చేస్తుంది.
నోకియా 220 4G (2024)
Nokia 220 4G కూడా 2.8అంగుళాల IPS డిస్‌ప్లే, సులభమైన పేమెంట్స్ కోసం నేషనల్ పేమెంట్స్ కార్పొరేషన్ ఆఫ్ ఇండియా (NPCI) ద్వారా ప్రీలోడ్ చేయబడిన , ఆమోదించబడిన UPI అప్లికేషన్లకు మద్దతు ఇస్తుంది. ఇది నోకియా 235 4G మాదిరిగానే అదే స్పెసిఫికేషన్లను పంచుకుంటుంది, ఇందులో 2MP కెమెరా లేదు.
ధర, లభ్యత
నోకియా 235 4G (2024) : ధర రూ. 3,749, బ్లూ, బ్లాక్ ,పర్పుల్ రంగుల్లో లభిస్తుంది.
నోకియా 220 4G (2024) : ధర రూ. 3,249, పీచ్ , నలుపు రంగులలో లభిస్తుంది.
రెండు డివైజ్ లు మంగళవారం (జూన్25) నుంచి HMD.com, Amazon.in , రిటైల్ అవుట్‌లెట్‌లలో అందుబాటులో ఉన్నాయి.
